Заң мен тәртіп – әділетті қоғамның басты тірегі. Бұл қағидат медициналық-әлеуметтік сараптама жүргізу кезінде заңдылықты, ашықтықты және азаматтардың құқықтарын қорғауды қамтамасыз етуде ерекше маңызға ие.
Біздің басты міндетіміз – азаматтардың құқықтары мен заңды мүдделерін қорғау, мүгедектікті белгілеу кезінде әділдік пен ашықтықты қамтамасыз ету.
Медициналық-әлеуметтік сараптама Қазақстан Республикасының қолданыстағы заңнамасына сәйкес жүргізіледі.
Мүгедектікті белгілеу кезінде азаматтың диагнозы ғана емес, ағза функцияларының бұзылу дәрежесі, тіршілік-тынысының шектелуі және медициналық құжаттардағы мәліметтер жан-жақты ескеріледі.
Әрбір шешім объективті бағалау нәтижесінде, заң талаптарына қатаң сәйкес қабылдануы тиіс.
Медициналық-әлеуметтік сараптама жүргізу кезінде құжаттарды бұрмалауға, жалған мәліметтер ұсынуға, заңсыз шешімдер қабылдауға және сыбайлас жемқорлықтың кез келген көрінісіне жол берілмейді.
Медициналық-әлеуметтік сараптама жүргізу барысында заң бұзушылықтар мен сыбайлас жемқорлық көріністеріне жол бермеу – басты міндеттеріміздің бірі. Мұндай фактілер туралы тиісті уәкілетті органдарға дер кезінде хабарлау маңызды.
Біздің ұстанымымыз айқын – заңдылық, әділдік және ашықтық!
Заң талаптарын сақтау – баршамыздың ортақ жауапкершілігіміз екенін ұмытпайық!
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
