Бүгін Павлодар облысы әкімінің орынбасары мен Германия Федеративтік Республикасының Қазақстан Республикасындағы Елшісінің тұрақты орынбасары Ульрих Кинне арасында кездесу өтті.

Кездесу барысында тараптар екіжақты ынтымақтастықтың өзекті мәселелерін, сауда-экономикалық байланыстарды дамыту перспективаларын, сондай-ақ өңірлер арасындағы әріптестікті одан әрі нығайту мүмкіндіктерін талқылады.

Өнеркәсіп саласындағы ынтымақтастықты кеңейту, бірлескен инвестициялық жобаларды іске асыру, неміс инвесторларын өңір экономикасына тарту және өзара тиімді іскерлік байланыстарды дамыту мәселелеріне ерекше назар аударылды.

Тараптар әріптестік қатынастарды одан әрі нығайтуға және ынтымақтастықтың перспективалы бағыттарын дамытуға мүдделілік білдірді.