Президент Жолдауы – ел дамуының стратегиялық бағдары
2026 жылғы 28 қазанда Қазақстан Республикасының Президенті Қасым-Жомарт Тоқаев «Қазақстанның жаңа тарихи кезеңіндегі өзекті міндеттер» тақырыбында Қазақстан халқына Жолдауын жариялады.
Мемлекет басшысы Жолдауда еліміздің одан әрі дамуының негізгі бағыттарын айқындап, инфрақұрылымды жаңғыртуға, экономиканы нығайтуға, азаматтардың әл-ауқатын арттыруға және цифрлық трансформацияға ерекше назар аударды.
Маңызды бастамалардың бірі – 2027 жылды Жалпыұлттық ауқымды құрылыс жылы деп жариялау жөніндегі ұсыныс болды. Бұл бастама аясында әлеуметтік, көлік және инженерлік инфрақұрылымды, оның ішінде ауылдық елді мекендердегі нысандарды дамытуға ерекше мән беріледі.
Сонымен қатар Президент мемлекеттік басқарудың тиімділігін арттыру, кәсіпкерлікті қолдау, білім беру мен денсаулық сақтау салаларын дамыту және заманауи технологияларды енгізу қажеттігін атап өтті.
Жолдауда «Заң мен тәртіп» және «Адал азамат» қағидаттарын іске асыру, қоғамдық бірлікті нығайту және жауапты азаматтық қоғам қалыптастыру мәселелеріне де баса назар аударылды.
Мемлекет басшысы айқындаған басымдықтардың Баянауыл ауданы үшін маңызы зор. Инфрақұрылымды дамыту, халықтың өмір сүру сапасын арттыру, жастарға қолайлы жағдай жасау және тұрғындардың бастамаларын қолдау жергілікті өкілді органдар жұмысының маңызды бағыттары болып қала береді.
Баянауыл аудандық мәслихаты ауданның әлеуметтік-экономикалық дамуына қатысты өзекті мәселелерді қарау, тұрғындардың бастамаларын қолдау және қойылған міндеттерді іске асыру мақсатында мемлекеттік органдармен өзара іс-қимыл жасау бағытындағы жұмысын жалғастырады.
Президент Жолдауы еліміздің одан әрі дамуының стратегиялық бағдарын айқындап, Әділетті, Күшті, Таза және Прогрессивті Қазақстан құру жолында мемлекет пен қоғамның бірлескен жұмысының маңыздылығын көрсетеді.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
