Қазақстанда педагогтардың жұмысын жеңілдетіп, олардың құқықтарын қорғауға бағытталған маңызды шаралар қолға алынуда. Президент Қасым-Жомарт Тоқаев мұғалімдердің жүктемесін азайтып, оларды артық есептерден толықтай арылтуды тапсырды. Мемлекет басшысы қағазбастылықтың орнын әртүрлі цифрлық жүйелердегі сансыз есептер басқанын, бұл жағдай ұстаздардың балаларды сапалы оқытуға көңіл бөлуіне кедергі келтіріп отырғанын атап өтті.
Сонымен қатар, Президент мектептердегі қауіпсіздік пен тәртіп мәселесіне ерекше назар аударды. Соңғы уақытта оқушылар тарапынан мұғалімдерге қатысты дөрекілік пен физикалық зорлық-зомбылық жағдайларының жиілеп кеткені айтылды. Мұндай келеңсіз оқиғалар, сондай-ақ мектеп әкімшілігі тарапынан болатын қысым мұқият тексерілуі тиіс. Оқу-ағарту министрлігі бұл мәселені қатаң бақылауда ұстауға міндетті.
Әлеуметтік желілерде memleket.kz-ке жазылыңыз
Қазақстанның маңызды жаңалықтары мен пайдалы материалдары — өзіңізге ыңғайлы платформада.
