Педагогикалық идеялар фестивалі

Зайсан ауданында педагогтер арасында «Педагогикалық идеялар фестивалі» республикалық конкурсының аудандық кезеңі өтті. Фестиваль мұғалімдердің шығармашылық бастамаларын қолдауға, озық педагогикалық тәжірибені таратуға және кәсіби тәжірибе алмасуға бағытталды. Қатысушылар білім беру мен тәрбиелеу үдерісін жетілдіруге арналған авторлық идеяларын, әдістемелік ізденістері мен тәжірибеде қолданған тиімді тәсілдерін ұсынды. Байқау барысында білім беру ұйымдарын басқару, пәндерді оқыту, бастауыш және мектепке дейінгі білім беру, тәрбие жұмысы мен психологиялық қолдау бағыттарындағы жобалар таныстырылды. Қазылар алқасы ұсынылған жұмыстарды белгіленген өлшемшарттар бойынша бағалап, жеңімпаздар мен жүлдегерлерді анықтады. Әр бағыт бойынша үздік нәтиже көрсеткен бір педагог облыстық кезеңге ұсынылды. Барлық қатысушыларға шығармашылық ізденістері мен кәсіби белсенділіктері үшін алғыс білдіреміз! Жеңімпаздарға облыстық кезеңде сәттілік тілейміз!