Астанада ТМД елдерінің заңсыз көші-қонға қарсы күрес жөніндегі бірлескен комиссиясының 29-отырысы өтті.
Халықаралық кездесуге достастыққа мүше жеті мемлекеттің құқық қорғау органдарының, көші-қон қызметтері мен бейінді ведомстволарының, сондай-ақ ТМД Атқарушы комитеті мен қаржылық барлау бөлімшелері басшылары кеңесінің өкілдері қатысты.
Жиында халықаралық ынтымақтастықты нығайту, көші-қон бақылауын жетілдіру, құқық бұзушылықтардың алдын алу және трансұлттық қылмысқа қарсы іс-қимыл мәселелеріне баса назар аударылды.
Қатысушылар заңсыз көші-қонға байланысты қылмыстарды анықтау тәжірибесімен алмасып, еңбек көші-қонын реттеу және заманауи цифрлық технологияларды енгізу мәселелерін талқылады.
Шетел азаматтарын есепке алу жүйесін жетілдіруге, рұқсат беру құжаттарын ресімдеуге және мемлекетаралық ақпарат алмасудың тиімділігін арттыруға ерекше көңіл бөлінді.
ҚР ІІМ цифрлық шешімдер мен құқық бұзушылықтардың алдын алудың заманауи тетіктерін белсенді енгізу арқылы көші-қон бақылауы жүйесін жүйелі түрде жетілдіріп келеді.
Кездесу аясында шетелдік делегациялар ҚР ІІМ-нің цифрлық шешімдерімен және халыққа мемлекеттік қызметтер көрсетудің практикалық қырларымен танысты.
Заңсыз көші-қонға қарсы іс-қимыл әртүрлі елдердің құқық қорғау органдарының үйлестірілген әрекеттері мен тығыз өзара іс-қимылын талап етеді.
Астанада өткен халықаралық отырыс серіктестік байланыстарды нығайтуға, озық тәжірибе алмасуға және көші-қон қауіпсіздігін қамтамасыз етудің бірлескен тәсілдерін әзірлеуге ықпал етеді.
Қазақстан көші-қон бақылауының тетіктерін жетілдіріп, ішкі істер органдарының қызметіне заманауи технологияларды енгізу арқылы халықаралық ынтымақтастықты белсенді дамытуды жалғастыруда.
