Департаментте сыбайлас жемқорлыққа қарсы іс-қимыл және мемлекеттік қызмет туралы заңнаманы сақтау мәселелері бойынша жұмыс кеңесі өтті

СҚО санитариялық-эпидемиологиялық бақылау департаментінде сыбайлас жемқорлыққа қарсы заңнаманы және Қазақстан Республикасының мемлекеттік қызмет туралы заңнамасын сақтау мәселелері бойынша жұмыс кеңесі өтті.

Кеңеске Департаменттің, «Ұлттық сараптама орталығы» ШЖҚ РМК-ның СҚО бойынша филиалының мамандары, сондай-ақ онлайн режимде қосылған аумақтық санитариялық-эпидемиологиялық бақылау басқармаларының қызметкерлері қатысты.

Кеңес Департамент басшысының орынбасары – әдеп жөніндегі уәкіл

С.М. Барменбаевтың төрағалығымен өтті.

Іс-шара барысында Қазақстан Республикасы Денсаулық сақтау министрлігі Санитариялық-эпидемиологиялық бақылау комитетінің өкілі С.Ж. Суханов санитариялық-эпидемиологиялық бақылау органдарының қызметіндегі негізгі сыбайлас жемқорлық тәуекелдерін түсіндірді. Атап айтқанда, мемлекеттік қызметтер көрсету, санитариялық-эпидемиологиялық қорытындылар беру және бақылау-қадағалау функцияларын жүзеге асыру кезінде туындайтын тәуекелдерге тоқталды.

Мүдделер қақтығысының алдын алу, заңнамада белгіленген шектеулерді сақтау, сондай-ақ сыбайлас жемқорлық тәуекелдеріне ішкі талдау жүргізудің тиімділігін арттыру мәселелеріне ерекше назар аударылды.

«Ұлттық сараптама орталығы» ШЖҚ РМК-ның сыбайлас жемқорлыққа қарсы комплаенс-қызметінің өкілі А.М. Мырзакулов сыбайлас жемқорлық көріністерінің алдын алу шаралары, сыбайлас жемқорлық құқық бұзушылықтар үшін жауапкершілік және лауазымдық міндеттерді орындау кезінде заңнама талаптарын қатаң сақтау қажеттігі туралы баяндады.

Кеңес қорытындысы бойынша заңдылық, адалдық және қызметтік әдеп қағидаттарын сақтау, сондай-ақ ұжымда сыбайлас жемқорлықтың кез келген көрінісіне төзбеушілік қағидатын қалыптастырудың маңыздылығы атап өтілді.