Қазақстан Республикасы Еңбек және халықты әлеуметтік қорғау министрлігі Мемлекеттік еңбек инспекциясы комитетінің Батыс Қазақстан облысы бойынша департаментінің мемлекеттік еңбек инспекторы А. Шакенова Батыс Қазақстан облысы әкімдігі денсаулық сақтау басқармасының «Облыстық жедел медициналық жәрдем станциясы» шаруашылық жүргізу құқығындағы мемлекеттік коммуналдық кәсіпорнының ұжымымен кездесу өткізді.
Кездесу барысында Қазақстан Республикасының Еңбек кодексіне сәйкес жұмыс берушінің міндеттерін орындауы, еңбек шартын жасасу, жалақыны уақтылы төлеу, жұмыс және тынығу уақытының режимі, сондай-ақ қауіпсіз еңбек жағдайларын қамтамасыз ету мәселелері түсіндірілді.
Кездесудің мақсаты – еңбек мәдениетін арттыру және еңбек заңнамасының бұзылуының алдын алу.
