1 / 2
Қарттар күніне орай Ақтөбе қалалық мәдениет үйінде мерекелік концерт ұйымдастырылып, Ақтөбе облысы бойынша Қылмыстық-атқару жүйесі департаментінің ардагерлері көрермен ретінде қатысты.
Концерттік бағдарлама аясында өнерпаздар ән мен күйден шашу шашып, жиналған қауымға көтеріңкі көңіл күй сыйлады. ҚАЖ ардагерлері мерекелік кешті тамашалап, өнерпаздардың өнеріне куә болды.
Қарттар күні – аға буынға құрмет көрсетіп, олардың қоғамдағы орнын бағалайтын ерекше мереке. Осындай мәдени іс-шаралар ардагерлердің бос уақытын мазмұнды өткізуге мүмкіндік береді.
