ЖАҢАСЕМЕЙ АУДАНЫНДА РЕСПУБЛИКА КҮНІНЕ АРНАЛҒАН САЛТАНАТТЫ ЖИЫН ӨТТІ

Жаңасемей ауданында 25 қазан – Республика күніне орай мерекелік салтанатты жиын өтті.

Ұлттық мереке – Республика күні еліміздің тәуелсіздігі мен мемлекеттілігінің нығаюын, ел бірлігі мен тұрақты дамуын айшықтайтын маңызды мерекелердің бірі. Бұл күн – халқымыздың азаттық жолындағы тарихи таңдауы мен егемендікке деген ұмтылысын бейнелейтін ерекше дата.

Салтанатты жиында аудан әкімі Нұржан Оразбекұлы жиналған қауымды мерекемен құттықтап, Республика күнінің маңыздылығына тоқталды. Өз сөзінде ауданның өсіп-өркендеуіне, әлеуметтік-экономикалық дамуына және халықтың әл-ауқатын арттыруға бағытталған жұмыстардың маңызын атап өтті.

Сондай-ақ ауданның дамуына елеулі үлес қосып, өз саласында табысты еңбек етіп жүрген бірқатар азамат облыс әкімі мен аудан әкімінің Алғыс хаттарымен марапатталды. Бұл – ел игілігі жолында аянбай еңбек етіп жүрген азаматтардың еңбегіне көрсетілген құрмет пен жоғары баға.

Мерекелік жиын аудан өнерпаздарының концерттік бағдарламасымен жалғасын тапты.