РЕСПУБЛИКА КҮНІ ҚАРСАҢЫНДА АБАЙ ОБЛЫСЫНЫҢ ПОЛИЦЕЙЛЕРІ МЕМЛЕКЕТТІК НАГРАДАЛАРМЕН МАРАПАТТАЛДЫ!

Елге қызмет ету — үлкен жауапкершілік, ал ел сенімін ақтау — нағыз азаматтықтың белгісі. Отанға деген адалдық пен қызметтік борышқа деген беріктік әрдайым құрметке лайық.

🇰🇿 Республика күніне орай Қазақстан Республикасы Президентінің Жарлығымен Абай облысы Полиция департаменті Бородулиха ауданының полиция бөлімінің бірқатар қызметкері жоғары мемлекеттік наградалармен марапатталды.

«Жауынгерлік ерлігі үшін» медалімен:
▪️ Полиция подполковнигі Ермек Турарканов Турарканович
▪️ Полиция майоры Айгерім Ерғазықызы Уакпаева
▪️ Полиция майоры Қанат Жақсылықұлы Бейсенбеков
▪️ Полиция капитаны Данияр Маратұлы Рымғалиев

«Ерлігі үшін» медалімен:

▪️ Полицияның аға сержанты Руслан Равильұлы Кузьмин марапатталды.

Бұл — ел тыныштығы мен халық қауіпсіздігін қамтамасыз ету жолындағы адал қызметтің, батылдық пен табандылықтың, кәсібилік пен жоғары жауапкершіліктің лайықты бағасы.

Мемлекеттік награда — жай ғана марапат емес. Оның артында күнделікті қызметтің көзге көріне бермейтін қиындығы, қабылданған жауапты шешімдер, Отан алдындағы антына адалдық пен азаматтық ұстаным жатыр.

Республика күні — елдігімізді ұлықтап, тәуелсіздігіміздің қадірін сезінетін, Отанға қызмет етудің мәні мен маңызын терең түсінетін ерекше мереке.

Осындай айтулы күн қарсаңында ел қорғаны болған азаматтардың еңбегінің мемлекеттік деңгейде бағалануының маңызы зор.
Мемлекет тыныштығын күзетіп, қоғам қауіпсіздігін қамтамасыз ету жолында қызмет етіп жүрген полицейлердің ерлігі мен еңбегі — елге үлгі, ұрпаққа өнеге.

Елге адал қызмет — сөзбен емес, іспен дәлелденетін қасиет. Ал ерлікке берілген баға — Отанға деген адалдықтың айқын көрінісі!