1 / 11
Бүгін Қазақстан Республикасы Экология және табиғи ресурстар министрлігінің қызметкерлері Астанадағы "Ырыскелді қажы" мешітінің аумағында жыл сайын ағаш отырғызуды (қарапайым қарағай) өткізді.
Іс-шара Республика Күніне орайластырылып, "Таза Қазақстан" экологиялық акциясы аясында өтті.
Ағаш отырғызуға Халық Кеңесі мүшелері, министрліктің құрылымдық бөлімшелерінің және ведомстволық бағынысты ұйымдардың, Астана қаласы әкімдігінің басшылары мен қызметкерлері қатысты.
Бастама елорда аумағын көгалдандыруға, экологиялық мәдениетті арттыруға және табиғатқа ұқыпты қарауды қалыптастыруға бағытталған.
Ағаштарды бірлесіп отырғызу Астананы абаттандыруға үлес қосады және қоршаған ортаға қамқорлық әркімнің жеке қатысуынан басталатынын еске салады.
