1 / 3
«Заң мен тәртіп» тұжырымдамасын іске асыру және Қазақстан Республикасы күніне орай 2026 жылғы 23 қазанда Қостанай облысының Әділет департаменті халыққа білікті заң көмегін көрсету бойынша іс-шара өткізді. Іс-шара барысында тұрғындар білікті мамандарға жүгініп, өздерін толғандырған өзекті құқықтық мәселелер бойынша кеңес алуға, сондай-ақ қолданыстағы заңнама нормаларына қатысты түсініктемелер алуға мүмкіндік алды. Азаматтарға кеңес беруге Қостанай облысының Әділет департаментінің қызметкерлері, жеке сот орындаушылары, нотариустар, адвокаттар және заң консультанттары қатысты. Мамандар азаматтардың сұрақтарына жауап беріп, олардың құқықтары мен заңды мүдделерін іске асыру және қорғау тәртібін түсіндірді. Мұндай іс-шаралар халықтың құқықтық сауаттылығын арттыруға, білікті заң көмегінің қолжетімділігін қамтамасыз етуге және заңға деген құрметті қалыптастыруға бағытталған. «Заң мен тәртіп» — білікті заң көмегі әрбір адамға қолжетімді!
Қостанай облысы
Әділет департаментінін
Баспасөз қызметі
