Батыс Қазақстан облысы ТЖД Өнеркәсіптік қауіпсіздік басқармасының қызметкерлері автогаз құю станциялары мен көпқабатты тұрғын үйлердің жерасты автотұрақтарында профилактикалық рейдтер жүргізді. Шараның басты мақсаты – сұйытылған мұнай газын пайдалануға байланысты төтенше жағдайлардың алдын алу және азаматтарға қауіпсіздік ережелерін түсіндіру. Рейд барысында АГҚС қызметкерлеріне автокөлікке арналмаған тұрмыстық газ баллондарын құюға қатаң тыйым салынатыны, сондай-ақ отын құю кезінде қауіпсіздік техникасын сақтау қажеттілігі ескертілді.
Сондай-ақ инспекторлар көпқабатты үйлердің жерасты автотұрақтарына ерекше назар аударды. Өрт қауіпсіздігі талаптарына сәйкес, газ баллонды жабдықпен орнатылған автокөліктердің төле мен ғимараттың іргелі қабатындағы автотұрақтарға кіруіне қатаң тыйым салынады. Бұл талапты бұзу газ шыққан жағдайда тұрғындардың өмірі мен денсаулығына тікелей қауіп төндіреді.
Тексеру кезінде мамандар ақпараттық жадынамалар таратып, нысандар аймағында көрнекі материалдар орналастырды. Мұндай профилактикалық іс-шаралар тұрақты түрде жалғасады. Басқарма өкілдері газ иісі сезілген немесе төтенше жағдай орын алған кезде дереу 101 немесе 112 нөмірлеріне хабарласу қажеттігін еске салады.
