2026 жылғы 1 шілдеден бастап Қазақстан Республикасының жаңа Құрылыс кодексі күшіне енді. Аталған Кодекске сәйкес, Қазақстан Республикасы Еңбек және халықты әлеуметтік қорғау министрлігінің Халықты әлеуметтік қорғау саласындағы реттеу және бақылау комитетінің аумақтық бөлімшелеріне объектілерді пайдалануға қабылдау кезінде олардың мүгедектігі бар адамдар мен халықтың жүріп-тұруы шектеулі топтары үшін қолжетімділік талаптарына сәйкестігі туралы декларацияларды келісу функциясы жүктелді.
2026 жылғы 20 қарашадағы жағдай бойынша Халықты әлеуметтік қорғау саласындағы реттеу және бақылау комитетінің Жамбыл облысы бойынша департаментіне объектілердің қолжетімділік талаптарына сәйкестігі туралы декларацияларды келісуге 18 өтініш келіп түсті.
Оның ішінде:
- қаралуда — 2 өтініш;
- келісілген — 10 өтініш;
- келісуден бас тартылған — 6 өтініш.
Бұл бағыттағы жұмыс мүгедектігі бар адамдардың және жүріп-тұруы шектеулі жандардың объектілерге кедергісіз кіріп-шығуын қамтамасыз етуге бағытталған.
