1. Аукционның өткізілетін күні, уақыты және орны:
2026 жылғы 22 қазан, сағат 10:00.
Қатар, Доха қаласы, 66-аймақ, 813-көше, № 107 ғимарат.
2. Аукционның нысаны мен өткізу тәсілі:
Бағаны көтеру арқылы өткізілетін аукцион.
3. Аукцион нысанасы:
2015 жылы шығарылған «Nissan Patrol» автокөлігі, көлік құралының сәйкестендіру нөмірі (VIN): JN8AY2NY7F9124850, мемлекеттік тіркеу нөмірі: CD 167/3, түсі: қоңыр, шығарылған жылы: 2015.
4. Бастапқы бағасы:
7 682,45 АҚШ доллары.
5. Аукционға қатысу үшін кепілдік жарна мөлшері:
Кепілдік жарна бастапқы бағаның 15%-ын құрайды, яғни 1 152,37 АҚШ доллары. Кепілдік жарна автокөлікті қарап-тексергеннен кейін және аукционға қатысуға өтінім берілгенге дейін, 2026 жылғы 21 қазаннан кешіктірілмей төленуге тиіс.
Аукционға қатысудан бас тартылған жағдайда кепілдік жарна қатысушыға 15 жұмыс күні ішінде қайтарылады.
6. Өтінімдерді қабылдау мерзімі мен орны:
Өтінімдер кепілдік жарна төленгеннен кейін, 2026 жылғы 21 қазанды қоса алғанда, жұмыс уақытында қабылданады.
Мекенжайы: Қатар, Доха қаласы, 66-аймақ, 813-көше, № 107 ғимарат.
7. Аукционды өткізу тәртібі:
Автокөлік үшін ең жоғары баға ұсынған қатысушы аукцион жеңімпазы болып танылады.
Бағаны көтеру қадамы 5%-ды құрайды. Бірінші қадам лоттың АҚШ долларымен көрсетілген бастапқы бағасы негізінде есептеледі, ал әрбір келесі қадам алдыңғы қатысушы ұсынған баға (ағымдағы баға) негізінде есептеледі.
8. Байланыс ақпараты:
Қазақстан Республикасының Қатар Мемлекетіндегі Елшілігі.
Мекенжайы: Қатар, Доха қаласы, 66-аймақ, 813-көше, № 107 ғимарат.
Тел.: +974 71 45 4842.
Кепілдік жарнаны аудару үшін қажетті Елшіліктің банктік деректемелері автокөлік қарап-тексерілгеннен кейін ұсынылады.
9. Қосымша ақпарат:
а) Автокөлік өзінің ағымдағы жай-күйінде («сол күйінде») сатылады.
Қатысушылар кепілдік жарнаны төлемес бұрын және өтінім бермес бұрын автокөлікті қарап-тексеріп, оның техникалық жай-күйімен танысуға міндетті.
Автокөлікті қарап-тексеру, кепілдік жарнаны төлеу және өтінім беру қатысушының сату шарттарымен толық келісетінін білдіреді.
Сатып алушы автокөлікті жөндеуді немесе оның жай-күйін жақсартуды талап етуге, сондай-ақ меншік құқығын беруге байланысты салықтардан, алымдардан және өзге де шығыстардан босатуды талап етуге құқылы емес.
б) Ұсынылатын баға жоғарыда көрсетілген АҚШ долларымен есептелген бастапқы бағадан төмен болмауға тиіс.
Ең жоғары баға ұсынған қатысушы (аукцион жеңімпазы) автокөлікті сатып алуға құқылы.
Аукцион жеңімпазы аукцион нәтижелері жарияланған және шартқа қол қойылған күннен бастап 10 жұмыс күнінен кешіктірмей автокөлік сатып алу бағасының қалған бөлігін толық көлемде төлеуге міндетті.
Қосылған құн салығын (ҚҚС), кедендік баждарды немесе өзге де салықтарды, тарифтерді не міндетті төлемдерді төлеу қажет болған жағдайда, оның ішінде дипломатиялық тіркеу нөмірлері бар жеңіл автокөлікті қайта тіркеуге және тіркеуге байланысты шығыстарды төлеу міндеті Сатып алушыға жүктеледі.
в) Егер аукцион жеңімпазы белгіленген мерзімде шарт талаптарын орындамаса, ол автокөлікті сатып алу құқығынан бас тартқан болып есептеледі. Бұл ретте төленген барлық сомалар, оның ішінде кепілдік жарна қайтарылмайды.
г) Қатысушылардың кепілдік жарнаны аудару кезінде төлеген банктік комиссиялары қайтарылмайды.
д) Аукционға қатысушылардың өзара сөз байласуына және заңсыз араласудың кез келген өзге де нысандарына қатаң тыйым салынады.
Автокөлікті қарап-тексеру
Автокөлікке қызығушылық танытқан тұлғалар оны Қазақстан Республикасының Қатар Мемлекетіндегі Елшілігінің аумағында 2026 жылғы 21 қазанды қоса алғанда, жұмыс уақытында алдын ала жазылу арқылы қарап-тексере алады.
Автокөлікті қарап-тексеруге жазылу және өзге де сұрақтар бойынша Қазақстан Республикасының Қатар Мемлекетіндегі Елшілігіне төмендегі телефон нөмірлері арқылы хабарласуға болады:
+974 71 45 4842
+974 55 18 0625
