Батыс Қазақстан облысы бойынша экономикалық тергеп-тексеру департаментінің аса маңызды істер жөніндегі тергеушісі Б.Жұмағазиев ауыл шаруашылығын мемлекеттік қолдау және бюджет қаражатын мақсатсыз пайдаланудың алдын алуға арналған «Заң мен Тәртіп» телевизиялық бағдарламасына қатысты.
Эфир барысында агроөнеркәсіптік кешенді мемлекеттік қолдау шаралары, субсидиялар мен жеңілдетілген кредиттер беру тәртібі, сондай-ақ оларды заңсыз алу және пайдалану жауапкершілігі талқыланды.
Бюджет қаражатын ұрлауға жол бермеуге, субсидиялар алу үшін бұрыс мәліметтер беруге және кредиттік қаражатты нысаналы мақсатқа сай жұмсамауға ерекше назар аударылды.
Б.Жұмағазиев ауыл шаруашылығын дамытуға бағытталған мемлекеттік қолдауды ашық және заңды түрде пайдаланудың маңыздылығын атап өтті.
Департамент қаржылық құқық бұзушылықтардың алдын алу және өңірдің агроөнеркәсіптік кешенін дамытуға бөлінетін бюджет қаражатын қорғау бойынша жұмысты жалғастыруда.
