memleket.kz

    Батыс Қазақстан облысы бойынша Экономикалық тергеп-тексеру департаменті

    Департамент туралы

    Қазақстан Республикасы Қаржылық мониторинг агенттігінің Батыс Қазақстан облысы бойынша Экономикалық тергеп-тексеру департаменті (бұдан әрі – Департамент) Қазақстан Республикасының заңнамасында осы органның құзырына жатқызылған экономикалық және қаржылық құқық бұзушылықтардың алдын алу, анықтау, жолын кесу, ашу және тергеп-тексеру бойынша іске асыру функцияларын, сондай-ақ Қазақстан Республикасының заңнамасына сәйкес өзге де функцияларды жүзеге асыратын Қазақстан Республикасы Қаржылық мониторинг агенттігінің (бұдан әрі – Агенттік) аумақтық органы болып табылады.

    Жаңалықтар

    Барлық жаңалықтар
    Ашу

    Ашық есік күні

    Ашу

    Ведомтсвтвоаралық кеңес отырысы

    Ашу

    Қарттарымыздың цифрлық қауіпсіздігі

    Ашу

    Студенттермен жұмыс

    Ашу

    Мемлекеттік тілді дамытуға қосқан үлес

    Ашу

    Қаржылық қауіпсіздік

    Оқиғалар

    Барлық оқиғалар
    ОтырысАяқталды

    Қаржылық қауіпсіздік – бәрімізге ортақ жауапкершілік

    «Заң және тәртіп» нарративі аясында Батыс Қазақстан облысы бойынша Экономикалық тергеп-тексеру департаментінің қызметкерлері «Орал трансформатор зауыты» ЖШС ұжымымен кездесу өткізді. Кездесу барысында қаржылық қауіпсіздік, құқық бұзушылықтардың алдын алу, көлеңкелі экономикаға қарсы іс-қимыл және қаржылық сауаттылықты арттыру мәселелері талқыланды. Қатысушыларға заң талаптарын сақтау мен күмәнді қаржылық операцияларға жол бермеудің маңыздылығы түсіндірілді. Заңды сақтау – қоғамның тұрақты дамуы мен экономикалық қауіпсіздіктің басты негізі.

    2 қыркүйек 2026 ж.Тікелей
    ОтырысАяқталды

    Мектепке жол

    Жаңа оқу жылы қарсаңында Батыс Қазақстан облысы бойынша Экономикалық тергеп-тексеру департаментінің қызметкерлері әлеуметтік жағдайы төмен отбасына қолдау көрсетті. Отбасында мектеп жасындағы бес бала тәрбиеленіп отыр. «Мектепке жол» акциясы аясында әр балаға мектепке қажетті киім-кешек сатып алынды. БҚО бойынша ЭТТД қызметкерлері балаларға қажетті қолдау көрсетіп қана қоймай, олардың жаңа оқу жылын көтеріңкі көңіл-күймен бастауына өз үлестерін қосты. Осындай игі бастамалар қиын жағдайға тап болған отбасыларға қолдау көрсетіп, балаларға тең мүмкіндік қалыптастыруға бағытталған. Әр баланың жаңа оқу жылы қуанышпен, жақсы көңіл-күймен және өз күшіне деген сеніммен басталсын!

    1 қыркүйек 2026 ж.Тікелей
    ОтырысАяқталды

    Телебағдарламаға қатысу

    Батыс Қазақстан облысы бойынша Экономикалық тергеп-тексеру департаментінің аға тергеушісі Л.Н. Уразғалиева «Aqjaiyq» телеарнасындағы «Свое время» тікелей эфир телебағдарламасына қонақ ретінде қатысты. Бағдарлама барысында көлеңкелі экономикаға қарсы іс-қимыл, сондай-ақ экономикалық құқық бұзушылықтардың алдын алу және жолын кесу мәселелері талқыланды. Талқылауға прокуратура, Мемлекеттік кірістер департаменті және «Атамекен» ҰКП өкілдері де қатысты. Қатысушылар көлеңкелі экономиканың деңгейін төмендету, кәсіпкерлік қызметтің ашықтығын қамтамасыз ету, сондай-ақ азаматтардың қаржылық және құқықтық сауаттылығын арттыру бағытында атқарылып жатқан жұмыстар туралы айтып өтті. Сондай-ақ заңсыз ақша айналымына және көлеңкелі экономиканың өзге де көріністеріне қарсы күресте мемлекеттік органдар мен бизнес-қоғамдастықтың бірлескен күш-жігерінің маңыздылығына ерекше назар аударылды.

    19 тамыз 2026 ж.Тікелей
    ОтырысАяқталды

    Спорттық-құқықтық форум

    «Заң және тәртіп» тұжырымдамасын, «Адал адам» бастамасын іске асыру және Қазақстан Республикасы Конституциясының құндылықтарын дәріптеу аясында Батыс Қазақстан облысы бойынша Экономикалық тергеп-тексеру департаменті Батыс Қазақстан облысы әкімінің аппараты және Әділет департаментімен бірлесіп мемлекеттік қызметшілер арасында спорттық-құқықтық форум ұйымдастырды. Іс-шара бағдарламасына спорттық жарыстар мен жаппай өндірістік гимнастика өткізілді. Қатысушылар салауатты өмір салтын ұстануға, бірлікке, тәртіпке және командалық рухқа бейілділіктерін көрсетті. Форум мемлекеттік органдар арасындағы корпоративтік мәдениетті нығайтуға, дене белсенділігін арттыруға және өзара ынтымақтастықты дамытуға ықпал етті.

    10 тамыз 2026 ж.Тікелей
    ОтырысАяқталды

    Кәсібилікке қадам

    Батыс Қазақстан облысы бойынша Экономикалық тергеп-тексеру департаментінің жас қызметкерлері Ақтау қаласында өткен өңірлік жас қызметкерлер слетіне қатысты. Іс-шараға Ақтөбе, Атырау, Маңғыстау және Батыс Қазақстан облыстары бойынша ЭТТД өкілдері қатысты. Слеттің негізгі мақсаты – тәжірибе алмасу, кәсіби дағдыларды жетілдіру және Агенттіктің аумақтық бөлімшелерінің жас қызметкерлері арасындағы командалық өзара іс-қимылды нығайту. Бағдарлама аясында оқыту және тимбилдинг іс-шаралары ұйымдастырылып, салтанатты марапаттау рәсімі өтті. Департаменттің жас қызметкерлері Л.Уразгалиева, А.Төлегенова, С.Бисенгалиев, Б.Мадениет және Д.Мухамедьяров жоғары дайындық деңгейі, бастамашылдығы және қызметті дамытуға қосқан үлесі үшін Қазақстан Республикасы Қаржылық мониторинг агенттігі Төрағасының орынбасары Жеңіс Фарахатұлы Елемесовтың қолынан марапаттау алды. ҚР Қаржылық мониторинг агенттігі мен Маңғыстау облысы бойынша Экономикалық тергеп-тексеру департаментіне іс-шараның жоғары деңгейде өтуіне, тәжірибе алмасуға қолайлы жағдай жасағаны және жас мамандарға жан-жақты қолдау көрсеткені үшін алғысымызды білдіреміз. Барша жас қызметкерлерге кәсіби қызметтерінде толағай табыс, биік белестерді бағындыруға деген жігер, мықты командалық рух және еліміздің игілігі жолындағы қызметтеріне сәттілік тілейміз!

    5 тамыз 2026 ж.Тікелей
    ОтырысАяқталды

    AGROFEST 2026

    Батыс Қазақстан облысы бойынша Экономикалық тергеп-тексеру департаментінің қызметкерлері өңірлік ауқымды «АгроФест-2026» іс-шарасына қатысты. Іс-шараға қатысудағы негізгі мақсаты – халықтың қаржылық сауаттылығын арттыру және өңір тұрғындарын экономикалық қылмыстардың заманауи түрлерінен қорғау. Фестиваль барысында ЭТТД өкілдері ақпараттық-түсіндіру алаңын ұйымдастырып, «АгроФест» қатысушылары мен қонақтарына өзекті қаржылық тәуекелдер туралы жан-жақты түсіндірме жұмыстарын жүргізді. Азаматтарды интернет-алаяқтықтан сақтандыруға, қаржы пирамидаларына тарту тәсілдеріне және заңсыз несие берудің тәуекелдеріне ерекше назар аударды. Ақпараттың түсініктілігін арттыру және есте сақталуын қамтамасыз ету мақсатында департамент қызметкерлері тұрғындарға ақпараттық брошюралар мен жадынамалар таратты. Онда қаржылық қауіпсіздіктің негізгі қағидалары, алаяқтарды қалай анықтау керектігі, инвестиция салу кезінде қандай жайттарға назар аудару қажет екендігі және экономикалық құқық бұзушылықтарға тап болған жағдайда қайда жүгіну керектігі туралы толық мәлімет берілген. Осындай профилактикалық іс-шараларды қала және облыс көлеміндегі бұқаралық іс-шаралар аясында өткізу кең аудиторияны қамтуға мүмкіндік беріп, азаматтардың қаржылық алаяқтықтың құрбанына айналу қаупін едәуір төмендетеді.

    3 тамыз 2026 ж.Тікелей