«Таза Қазақстан» экологиялық бастамасы аясында Астана қаласында логистикалық кешен құру жөніндегі инвестициялық жобаны жүзеге асырып жатқан «J.A.G. Group» ЖШС жалпы білім беретін мектептің аумағында ағаш отырғызу жұмыстарын ұйымдастырды.
Мектеп аумағын көгалдандыру – оқушылар мен педагогтер үшін қолайлы кеңістік құруға, сондай-ақ білім алуға жайлы орта қалыптастыруға ықпал етеді.
Мұндай бастамалар бизнестің елорда дамуына жауапкершілікпен қатысуын көрсетіп, инвестициялық жобаларды жүзеге асыру қалалық ортаны жақсартуға бағытталған нақты қадамдармен қатар жүре алатынын айқындайды.
