5 қазан мен 5 қараша аралығында облыс аумағында «Қауіпсіз үй» жедел-профилактикалық іс-шарасы ұйымдастырылуда.
Іс-шара барысында полиция қызметкерлері профилактикалық есепте тұрған тұлғалардың тұрғылықты мекенжайларын тексеріп, отбасындағы жағдайды зерделейді.
Учаскелік полиция инспекторлары мен отбасы-тұрмыстық зорлық-зомбылыққа қарсы күрес бөлімінің қызметкерлері заң талаптарын сақтау, отбасылық жанжалдар мен зорлық-зомбылықтың алдын алу бойынша түсіндіру жұмыстарын жүргізуде.
Полиция ескертеді: отбасындағы жанжал мен зорлық-зомбылыққа жол бермеңіз. Құқық бұзушылық жасаған тұлғалар заңға сәйкес жауапкершілікке тартылады.
