Кездесудің негізгі тақырыбы өндіріс және тұтыну қалдықтарымен жұмыс істеу мәселелерін реттейтін санитариялық қағидаларды практикалық тұрғыдан қолдану болды.
Семинар барысында қалдықтармен жұмыс істеудің барлық кезеңдерінде — оларды жинау мен пайдаланудан бастап, тасымалдау, сақтау, залалсыздандыру және көмуге дейінгі аралықта сақталуы тиіс талаптар жан-жақты қарастырылды.
Қатысушыларға Қазақстан Республикасы Денсаулық сақтау министрінің міндетін атқарушының 2020 жылғы 25 желтоқсандағы № ҚР ДСМ-331/2020 бұйрығымен бекітілген «Өндіріс және тұтыну қалдықтарын жинауға, пайдалануға, қолдануға, залалсыздандыруға, тасымалдауға, сақтауға және көмуге қойылатын санитариялық-эпидемиологиялық талаптар» санитариялық қағидаларының негізгі ережелері түсіндірілді.
Сонымен қатар қатысушылар санитариялық-эпидемиологиялық бақылауды жүзеге асыру барысында туындайтын өзекті мәселелерді талқылап, тәжірибе және практикалық ұсынымдармен алмасты.
