«Таза Қазақстан» республикалық экологиялық акциясы аясында Ақжал кентінің Сейфуллин көшесінің бойында мемлекеттік бюджет есебінен жаңа саябақ ашылды.
Елді мекенді көркейту, жасылдандыру және тұрғындарға жайлы орта қалыптастыру мақсатында саябақ аумағына 250-ге жуық терек ағашы отырғызылды.
Сонымен қатар, саябақтың ашылу шарасы аясында кент тұрғындары үшін арнайы ауылшаруашылық жәрмеңкесі ұйымдастырылды. Шара елді мекеннің экологиялық жағдайын жақсартуға және халықтың әлеуметтік белсенділігін арттыруға бағытталған.
