Жамбыл ауданы Төтенше жағдайлар бөлімінің қызметкерлері «Қазақгаз» аймақтық қызметкерлерімен және Жамбыл электр желілері мамандарымен бірлесіп, тұрғындар арасында жылыту маусымындағы қауіпсіздік шаралары бойынша түсіндіру жұмыстарын жүргізді. Іс-шараның негізгі мақсаты – улы газдан уланудың және өрттердің алдын алу, сондай-ақ тұрғындардың газ және электр құрылғыларын қауіпсіз пайдалану бойынша хабардарлығын арттыру. Мамандар тұрғындарға газ құрылғыларын пайдалану кезінде қауіпсіздік талаптарын сақтау, бөлмелерді тұрақты желдету, мұржалар мен желдету жүйелерінің жарамдылығын тексеру, сондай-ақ электр сымдары мен жабдықтарының жағдайына назар аудару қажеттігін түсіндірді. Құрметті тұрғындар! Газдың иісін сезсеңіз немесе өрт шығу қаупін байқасаңыз, дереу 101 немесе 112 нөміріне хабарласыңыз!
Жамбыл облысы ТЖД
