М. Дулатов атындағы Қостанай инженерлік-экономикалық университетінде Қостанай облысы ТЖД өкілдерінің қатысуымен бос жұмыс орындары жәрмеңкесі өтті.
Департамент өкілдері студенттермен және университет түлектерімен кездесіп, жұмысқа орналасу мүмкіндіктері, қызмет өткеру шарттары және азаматтық қорғау жүйесіндегі кәсіби өсу перспективалары туралы айтып берді.
Жәрмеңкеге қатысушылар құтқару бөлімшелерінің қызмет бағыттары, кандидаттарға қойылатын талаптар және төтенше жағдайлар саласында мансап құру мүмкіндіктері туралы ақпарат алды.
Іс-шара студенттердің қызығушылығын тудырып, жастарға азаматтық қорғау органдарындағы қызмет пен қолжетімді бос жұмыс орындары туралы толық ақпарат алуға мүмкіндік берді.
