Қостанай облысында Қарттар күні атап өтілді
1 қазан күні Қостанай облысында Қарттар күніне арналған іс-шаралар өтті.
Облыстың қалалары мен аудандарындағы мәдениет үйлерінде аға буын өкілдеріне арналған мерекелік концерттер, шығармашылық кездесулер және тақырыптық іс-шаралар ұйымдастырылды. Қонақтарға музыкалық бағдарламалар, құттықтаулар мен олардың еңбегіне, өмірлік тәжірибесіне және өңірдің дамуына қосқан үлесіне алғыс білдіретін жылы лебіздер ұсынылды.
Қарттарға ерекше көңіл Қостанай қаласында да бөлінді.
Мереке күні зейнеткерлер үшін қалалық автобустарда тегін жүру ұйымдастырылды.
Сонымен қатар, қала емханаларында Ашық есік күндері өткізіліп, онда аға буын өкілдері медициналық кеңес алып, қажетті көмекке жүгіне алды.
