Жұмыс сапарымен ауданға Солтүстік Қазақстан облысы прокурорының орынбасары Ержанов Дәурен Тоқтарбайұлы келіп, аудан басшылығы мен ұжымға Қазақстан Республикасы Бас Прокурорының бұйрығына сәйкес Тимирязев ауданының прокуроры лауазымына тағайындалған Оспанов Еркеш Думанұлы таныстырды.
Іс-шара барысында прокуратура органдарының заңдылықты қамтамасыз етудегі, азаматтардың құқықтары мен бостандықтарын қорғаудағы маңызды рөлі, сондай-ақ ауданның мемлекеттік органдары мен ұйымдарымен сындарлы өзара іс-қимыл орнатудың қажеттілігі атап өтілді.
Аудан әкімі Ерлан Жаров Еркеш Думанұлы жаңа жауапты қызметінде табыс, кәсіби жетістіктер, жемісті ынтымақтастық және жүктелген міндеттерді тиімді орындауды тіледі.
