Халықаралық қарттар күніне орай Бірінші Мамыр ауылдық округінде аға буын өкілдеріне құрмет көрсетуге арналған мерекелік жиын өтті. Жиынға аудан әкімі аппаратының басшысы Амалбек Өміртай, аудандық мәслихат төрағасы Нұрлан Қойбағаров, аудандық мәслихат депутаты Исағали Әшірбеков, аудандық ардагерлер кеңесінің төрағасы Сейітхан Ақтаев және аудандық қоғамдық кеңесінің төрағасы Әдбісаттар Әбдіхалықов қатысты.
Қазақ халқы ежелден үлкенді сыйлап, қарияны төрге оздырған. «Қарты бар елдің қазынасы бар» деген ұлағатты сөз аға буынның қоғамдағы орны мен қадірін айшықтай түседі. Өмірден көргені мен көңілге түйгені мол қариялар – кейінгі ұрпаққа бағыт-бағдар беріп, елдің салт-дәстүрі мен рухани құндылықтарын дәріптеп келе жатқан ардақты жандар. Мерекелік шара барысында аға буын өкілдеріне ақжарма тілектер айтылып, арнайы дастархан жайылды. Қарияларға құрмет көрсетіліп, олардың ел дамуына қосқан еңбегі мен ұрпақ тәрбиесіндегі өнегесі дәріптелді. Қариясын ардақтаған елдің ырысы артып, ұрпағының өнегесі өркендей бермек. Аға буынға көрсетілген құрмет – кейінгі ұрпаққа үлгі, ұлттық тәрбиенің тағылымды көрінісі.
Төлеби ауданы әкімінің баспасөз қызметі
