Жетісу облысында қызметтік борышын өтеу кезінде ерлікпен қаза тапқан милиция сержанты Бауыржан Жансейұлы Ақылбековті еске алуға арналған Департамент қызметкерлері арасында шағын футболдан турнирдің салтанатты ашылуы өтті. Турнир антына адал болып, қызметтік міндетін соңына дейін абыроймен атқарған қызметкердің рухына тағзым етудің белгісіне айналды. Оның ерлігі мен жанқиярлығы полиция ұжымының жадында сақталып, жас буын қызметкерлеріне үлгі болып келеді. Спорттық шара қызметтік жауапкершілік, командалық рух пен өзара қолдауды кәсіби қызметтің ажырамас бөлігі деп білетін әріптестердің басын қосты. Турнирдің ашылуында Департамент басшылығы қызметтік міндетін атқару кезінде өмірін қиған қызметкерлердің есімін ұлықтап, олардың ерлігін есте сақтаудың маңыздылығын атап өтті. Мұндай іс-шаралар спорттық дәстүрлерді қолдап қана қоймай, қызметкерлердің бойында жауапкершілік, жолдастық рух пен қызметтік борышқа адалдық сезімін қалыптастыруға мүмкіндік береді. Бауыржан Ақылбековтің есімі әріптестерінің және Заң мен халыққа қызмет етуді жалғастырып жүрген барша қызметкерлердің жадында мәңгі сақталады.
