Қызылордада бейнебақылау камералары арқылы жол қозғалысы ережесін өрескел бұзған жүргізуші анықталды.
Жүргізуші автокөлікпен қарама-қарсы бағытқа шығып, сондай-ақ көліктің алдыңғы терезелерін қараңғылатып жол қозғалысы талаптарын бұзған.
Полиция қызметкерлері жедел түрде тиісті шаралар қабылдады. Құқық бұзушы Қызылорда қаласының 23 жастағы тұрғыны болып шықты.
Жүргізушіге қатысты хаттамалар ресімделіп, айыппұлдар салынды. Автокөлік арнайы тұраққа қойылды.
Полиция жол қозғалысына қатысушыларды жол қауіпсіздігі талаптарын қатаң сақтауға, өзге азаматтардың өмірі мен денсаулығына қауіп төндіретін әрекеттерге жол бермеуге шақырады.
