ШҚО Полиция департаментінде 1 800-ден астам бейнебақылау камерасы орнатылған
Қазақстан Республикасы Президентінің Жолдауына сәйкес Шығыс Қазақстан облысы Полиция департаментінің аумақтық бөлімшелерінің ғимараттарында үздіксіз бейнебақылау жүйесі жұмыс істейді. Камералар қызметтік кабинеттерді, дәліздерді, кезекші бөлімдерді, жауап алу бөлмелерін және ұсталған адамдарды ұстауға арналған орындарды қамтиды.
Қазіргі уақытта бөлімшелерде 1 874 бейнебақылау камерасы орнатылған, оның 225-і жедел-тергеу бөлімшелерінде орналасқан. Жүйе болып жатқан жағдайды тіркеуге және бейнебақылау жүргізілмейтін «көлеңкелі аймақтарды» болдырмауға мүмкіндік береді. Бұл азаматтардың құқықтарын қосымша қорғауға және полиция қызметінің ашықтығын қамтамасыз етуге бағытталған.
Жабдықтардың жұмысқа жарамдылығын аумақтық бөлімшелердің басшылары бақылайды. Камералардың көру аумағы да тұрақты тексеріледі. Атап айтқанда, олардың әдейі жабылуына немесе бағытының өзгертілуіне жол берілмейді.
Үздіксіз бейнебақылау жүйесі болып жатқан оқиғаларды объективті түрде тіркеуге және заңдылық пен азаматтардың құқықтарының сақталуын бақылаудың қосымша құралы ретінде қызмет етеді.
ШҚО ПД баспасөз қызметі
