«Арнайы білім беру ұйымы» коммуналдық мемлекеттік мекемесінің тәрбиеленушілері жаңа №13 өрт сөндіру бөліміне барды.
Экскурсия қызықты әрі танымды өтті. Тәрбиеленушілер өрт сөндірушілердің жұмысына, арнайы техникаға және қауіпсіздік мәселелеріне үлкен қызығушылық танытып, көптеген сұрақтар қойды.
Тәрбиеленушілермен бірге экскурсияға мекеме директоры Демократұлы Батырбек пен педагогтар да қатысты. Олар тәрбиеленушілерге жетекшілік жасап, өрт сөндіру қызметінің қоғамдағы маңызын жақсырақ түсінуге көмектесті.
Экскурсия барысында тәрбиеленушілер өрт сөндіру бөлімінің құрал-жабдықтарымен танысып, өрт сөндіру көліктерін көрді. Сондай-ақ өрт сөндірушілер мен құтқарушылардың шақыртуға шығуға қалай дайындалатыны туралы білді.
Өрт сөндіру бөлімінің қызметкерлері тәрбиеленушілерге төтенше жағдай кезіндегі тәртіп ережелері және өрт қауіпсіздігі талаптарын сақтаудың маңыздылығы туралы айтып берді.
Экскурсия тәрбиеленушілерге ерекше әсер қалдырып, олардың өрт сөндірушілердің қызметі туралы білімдерін кеңейтті. Сонымен қатар өз қауіпсіздігіне және айналасындағылардың қауіпсіздігіне жауапкершілікпен қараудың маңызын түсінуге мүмкіндік берді.
Маңғыстау облысының ТЖД
