Аичи-Нагояда өтіп жатқан XX жазғы Азия ойындарында Қазақстан қоржыны тағы бір алтын медальмен толықты.
Каратэші Жоламан Биғабыл 55 келіге дейінгі салмақта қарсыластарынан басым түсіп, Азия ойындарының чемпионы атанды. Ақтық сайыста отандасымыз Өзбекстан өкілі Хумоюнмирзо Халимовпен кездесіп, 9:1 есебімен жеңіске жетті.
Жоламан бұған дейін жартылай финалда Индонезия спортшысы Мұхаммад Тегар Жануарды 6:1 есебімен ұтып, финалға жолдама алған болатын.
Осылайша, Қазақстан құрамасының қоржынында Аичи–Нагоядағы Азия ойындарының бес жүлдесі бар. Атап айтсақ, екі алтын және үш қола. Бұған дейін тас жолдағы велоспорттан Рината Сұлтанова мен Алексей Луценко чемпион атанса, триатлоннан Арлан Жанабай және қазіргі бессайыстан ерлер құрамасы қола жүлдеге ие болды.
Айта кетейік, бүгін каратэден Қазақстан құрамасының тағы бір спортшысы Софья Берульцева +68 келі салмақта Азия ойындарының алтыны үшін таласады.
