Әуезов ауданында үшінші Белсенді ұзақ өмір орталығы ашылды

    Қала күні қарсаңында Әуезов ауданының тұрғындары үшін тағы бір жағымды жаңалық – 9-шағынауданда жаңа Белсенді ұзақ өмір орталығы өз есігін ашты.

    Бұл – ауданымызда жұмыс істейтін үшінші Белсенді ұзақ өмір орталығы. Жаңа орталық күніне 250-ге жуық зейнеткерді қабылдауға мүмкіндік береді.

    Мұнда егде жастағы тұрғындардың денсаулығын нығайтып, бос уақытын пайдалы әрі қызықты өткізуіне барлық жағдай жасалған. Скандинавиялық жүріс, емдік дене шынықтыру, йога, теннис, ұлттық және латынамерикалық билер, шахмат, шығармашылық, қыш өнері, гидропоника, хор және қазақ тілі курстары ұйымдастырылады. Сондай-ақ психолог кеңесін алуға болады.

    Жаңа орталық – тек түрлі үйірмелер өтетін орын ғана емес, тұрғындардың жаңа орта тауып, араласып, белсенді әрі мазмұнды өмір сүруіне арналған жайлы кеңістік.

    Мекенжайы: 9-шағынаудан, 26А
    Байланыс телефоны: +7 747 016 1465

    Құрметті зейнеткерлер, сіздерді Белсенді ұзақ өмір орталығында күтеміз!

    Әлеуметтік желілерде memleket.kz-ке жазылыңыз

    Қазақстанның маңызды жаңалықтары мен пайдалы материалдары — өзіңізге ыңғайлы платформада.

    Ұқсас материалдар

    "Әуезов ауданы әкімінің аппараты" жаңалықтары