Жолдағы қауіпсіздік: автокөліктің өртенуін қалай алдын алуға болады

    2026 жылдың басынан бері көлік құралдарының өртенуіне қатысты 70-тен астам жағдай тіркелді. Олардың басым бөлігін автокөліктің техникалық жағдайына тиісті көңіл бөлген жағдайда алдын алуға болар еді.

    Павлодар облысының ТЖД ескертеді:

    -Электр сымдары мен аккумулятордың жағдайын үнемі тексеріп, диагностикадан өткізіңіз;

    - Жанармай мен техникалық сұйықтықтардың ағып кетпеуін бақылаңыз;

    - Автокөлік салонында тез тұтанатын заттарды (аэрозольдер, оттықтар) сақтамаңыз;

    - Көлікте темекі шекпеңіз;

    - Өрт сөндіргіштің жарамды екеніне көз жеткізіп, оны қолжетімді жерде ұстаңыз.

    Өрт шыққан жағдайда:

    - Күйік иісі немесе түтін пайда болған кезде көлікті дереу тоқтатып, қозғалтқышты өшіріңіз. Автокөліктен шығыңыз. Өртті сөндіруге әрекет жасаған кезде капотты толық ашпаңыз: ауа ағыны өрттің күшеюіне себеп болуы мүмкін.

    Қауіпсіз жерге алыстап, 101 немесе 112 нөміріне қоңырау шалып, құтқару қызметін шақырыңыз.

    Әлеуметтік желілерде memleket.kz-ке жазылыңыз

    Қазақстанның маңызды жаңалықтары мен пайдалы материалдары — өзіңізге ыңғайлы платформада.

    Ұқсас материалдар

    "Павлодар облысының Төтенше жағдайлар департаменті" жаңалықтары