Ақтөбе облысының жұмыспен қамтуды үйлестіру және әлеуметтік бағдарламалар басқармасы·Жаңалықтар мұрағаты
Қазақстанда 7-13 қыркүйек аралығында өтетін Отбасы күніне арналған апталық басталды. Елімізде Отбасы күні дәстүрлі түрде қыркүйектің екінші жексенбісінде аталып өтеді.
Апталықтың әр күні жеке тақырыпқа арналады – ұрпақтар сабақтастығы, саналы түрде отбасын құру, бала денсаулығы мен қауіпсіздігі, отбасы берекесі және ата-ана мен баланың бірге уақыт өткізуі.
Барлық өңірлерде ақпараттық, танымдық және қоғамдық іс-шаралар өтеді. Олардың мақсаты – отбасы құндылықтарын дәріптеу, отбасындағы қарым-қатынас мәдениетін дамыту және саналы ата-ана болудың маңызын түсіндіру.
