Егер таңдалған қызмет түрі (ЭҚЖЖ) өзін-өзі жұмыспен қамтығандар үшін арнаулы салық режимін қолдануға рұқсат етілген тізбеде болмаса, не істеу керек?
Қазақстан Республикасы Салық кодексінің 718-бабы 2-тармағының 1) тармақшасына сәйкес, АСР қолдану үшін Үкімет бекіткен тізбедегі бір немесе бірнеше қызмет түрін жүзеге асыру қажет. Тізбе Қазақстан Республикасы Үкіметінің 2025 жылғы 21 қарашадағы № 994 қаулысымен бекітілген. Нақты жүзеге асырылатын қызметті тізбеде көрсетілген рұқсат етілген қызмет түрінің сипаттамасымен және тізбеге берілген ескертпелермен салыстыру қажет. Егер қызмет тізбеге енгізілмесе, оған өзін-өзі жұмыспен қамтығандар үшін АСР қолдануға болмайды. Мұндай жағдайда дара кәсіпкер ретінде тіркелу және тиісті салық режимін таңдау мәселесін қарастыру қажет. Нақты қызметке сәйкес келмейтін ЭҚЖЖ кодын тек формалды түрде өзгертуге болмайды.
Мысалы: 82990 ЭҚЖЖ коды № 994 қаулымен бекітілген тізбеге «интернет-платформа арқылы көрсетілетін қызметтер бойынша ғана» деген ескертпемен енгізілген. Бұл шарт сақталмаса, кодтың тізбеде болуы жеткіліксіз.