Гранттық қаржыландыру конкурсы шеңберінде ғылыми жобаны Ұлттық ғылыми кеңестің қарау нәтижелері бойынша қандай жағдайларда апелляция беруге болады?
Қазақстан Республикасы Ғылым және жоғары білім министрінің м.а. 2023 жылғы 18 тамыздағы № 423 бұйрығымен бекітілген Апелляциялық комиссия туралы ереженің (бұдан әрі – Ереже) 14-тармағының 3) тармақшасына сәйкес, https://adilet.zan.kz/kaz/docs/V2300033328 Апелляциялық комиссия Ұлттық ғылыми кеңес (бұдан әрі – ҰҒК) мүшелерінің жобалар (бағдарламалар) бойынша бағалау және дауыс беру рәсімін сақтамау мәселелерін қарайды. Ереженің 17-тармағына сәйкес конкурсқа қатысушылардың өтініштерін жұмыс органы Ұлттық мемлекеттік ғылыми-техникалық сараптама орталығының ақпараттық жүйесінде www.is.ncste.kz сілтемесі бойынша жеке кабинетте көрсетілген ҰҒК шешімі қабылданған сәттен бастап 3 жұмыс күні ішінде қабылдайды.
Мысалы, Астана қаласындағы аккредиттелген университет ғылыми және (немесе) ғылыми-техникалық жобаларды гранттық қаржыландыру конкурсына өтінім берді. Өтінімді қарау нәтижелері бойынша ҰҒК шешім қабылдады. Бұл ретте өтініш беруші ұйым жоба бойынша дауыс беру кезінде ҰҒК мүшелерінің белгіленген рәсімді сақтамағанын анықтады. Өтініш беруші ұйым ҰҒК шешімі қабылданған сәттен бастап 3 жұмыс күні ішінде апелляциялық комиссияға жүгінді.