ЕҢБЕК МИНИСТРЛІГІ: ҚАЗАҚСТАНДЫҚТАРҒА ЖҰМЫСҚА ОРНАЛАСУ ҮШІН ҚАНДАЙ МҮМКІНДІКТЕР ҚОЛЖЕТІМДІ?

    Кезең
    Алматы уақыты (UTC+5)
    Мәртебе
    Аяқталды
    Формат
    Тікелей
    ЖаңалықтарАяқталды

    🇰🇿 ЕҢБЕК МИНИСТРЛІГІ: ҚАЗАҚСТАНДЫҚТАРҒА ЖҰМЫСҚА ОРНАЛАСУ ҮШІН ҚАНДАЙ МҮМКІНДІКТЕР ҚОЛЖЕТІМДІ?

    Жұмысынан айырылған немесе жаңа жұмыс іздеп жүрген азаматтар бос жұмыс орындарын іздеу, кәсіптік білім алу, біліктілігін растау, мемлекеттік қолдау шараларын пайдалану және өз ісін ашу үшін бірқатар цифрлық сервистерге жүгіне алады.

    Қазақстан Республикасы Еңбек және халықты әлеуметтік қорғау министрлігі жұмыс іздеу, кәсіби даму, кәсіпкерлікті қолдау және жұмыспен қамтуға жәрдемдесудің басқа да тетіктерін біріктіретін Enbek цифрлық экожүйесін дамытуда. Қажетті қызметтерді онлайн алуға немесе мансап орталығына жүгінуге болады.

    ▪️Жұмыс іздеуді неден бастаған жөн?

    Enbek.kz Электрондық еңбек биржасында және Enbek мобильді қосымшасында азаматтар жеке кабинетін ашып, түйіндемесін орналастыра алады, өзіне қолайлы бос жұмыс орындарын таңдап, жұмыс берушілерге өтінім жібереді.

    Сондай-ақ бұл платформалар арқылы жұмыс іздеуші ретінде тіркеліп, кейіннен жұмыссыз мәртебесін проактивті түрде алуға болады. Заңнамада көзделген талаптарға сәйкес келген жағдайда азамат жұмысынан айырылуына байланысты әлеуметтік төлем алуға өтінім бере алады.

    ▪️Жасанды интеллект қандай көмек көрсетеді?

    Қосымша мүмкіндіктерді Enbek.kz платформасы негізінде Еңбек министрлігі енгізіп жатқан Цифрлық жұмыспен қамту қызметі ұсынады.

    Азаматтың келісімімен мемлекеттік ақпараттық жүйелердегі мәліметтер негізінде оның білімі, еңбек өтілі мен кәсіби дағдылары қамтылған цифрлық түйіндемесі автоматты түрде қалыптастырылады. Жасанды интеллект жұмыс іздеушінің біліктілігі мен қалауын ескере отырып, оған сәйкес келетін бос жұмыс орындарын іріктеуге көмектеседі.

    Жасанды интеллект көмекшісі диалог форматында жұмыс істейді және азаматқа өзіне қолайлы жұмыс нұсқаларын өз бетінше таңдауға мүмкіндік береді. Мысалы, үйіне жақын жердегі жұмысты іздеуге, басқа өңірлердегі ұсыныстарды қарауға, қалаған жалақы мөлшерін көрсетуге немесе оқу мүмкіндіктері мен мемлекеттік қолдау шаралары бойынша ұсыныстар алуға болады.

    ▪️Қосымша білім алу қажет болса, қандай мүмкіндіктер бар?

    Біліктілігін арттырғысы немесе жаңа дағдыларды меңгергісі келетін азаматтар Skills Enbek платформасында тегін онлайн курстардан өте алады.

    Жұмыссыз ретінде тіркелген азаматтарға білім беру ұйымдарында немесе тікелей жұмыс берушінің жұмыс орнында қысқа мерзімді кәсіптік оқудан өту мүмкіндігі де қарастырылған.

    Ал өзінде бар кәсіби дағдыларды ресми түрде растағысы келетін азаматтар белгіленген талаптарға сәйкес Career Enbek платформасы арқылы кәсіптік біліктілікті тану рәсімінен тегін өтуге арналған ваучер алуға өтінім бере алады.

    ▪️Өз кәсібіңізді ашқыңыз келсе, не істеу керек?

    Кәсіпкерлікпен айналысуды жоспарлаған азаматтарға Business Enbek платформасы қолжетімді.

    Бұл платформа арқылы азаматтар «Бастау Бизнес» жобасы бойынша кәсіпкерлік негіздеріне оқуға қойылатын талаптарға сәйкестігін тексере алады. Сонымен қатар белгіленген талаптарға сай келген жағдайда және өтінім қабылдау кезеңінде өз бизнес-жобасын жүзеге асыру үшін мемлекеттік грант алуға өтінім бере алады.

    Бұдан бөлек, платформа арқылы ауылдық елді мекендер мен шағын қалаларда кәсіпкерлікті дамытуға бағытталған «Ауыл аманаты» бағдарламасы шеңберінде микрокредит алу және лизинг рәсімдеуге өтінім беру мүмкіндігі қарастырылған. Қазіргі уақытта бұл өтінім беру сервисі Алматы, Қызылорда, Маңғыстау және Батыс Қазақстан облыстарында пилоттық режимде жүзеге асырылуда.

    ▪️Өз өңіріңізде лайықты жұмыс табылмаса ше?

    Азаматтар еліміздің басқа өңірлеріндегі бос жұмыс орындарын да қарастыра алады. Оның ішінде еңбек күші тапшы өңірлерге ерікті түрде қоныс аударып, мемлекет тарапынан көзделген қолдау шараларын пайдалану мүмкіндігі бар.

    Migration Enbek платформасы арқылы қоныс аудару мәселелері бойынша кеңес алу үшін мансап орталығына өтінім жолдауға болады.

    🔗 Толығырақ

    Instagram | Facebook | Aitu | Threads | YouTube

    Ұқсас материалдар

    ЖаңалықтарАяқталды

    Халықты әлеуметтік қорғау саласындағы реттеу және бақылау комитетінің Қызылорда облысы бойынша Департаментімен «Азаматтарға арналған үкімет» Мемлекеттік корпорациясы» КЕАҚ-ның облыстық филиалының және қалалық бөлімінің қызметкерлеріне құқықтық оқыту сабағы өткізілді.

    2026 жылғақұқықтық оқыту сабақтарын өткізу туралы бірлескен жұмыс жоспарына сәйкес,Департаменттің зейнетақы және әлеуметтік қамсыздандыру бөлімінің бас маманы А.Бухарбаевамен 19.11.2026ж.«Азаматтарға арналған үкімет» Мемлекеттік корпорациясы» КЕАҚ-ның облыстық филиалының және қалалық бөлімінің қызметкерлеріне құқықтық...

    ЖаңалықтарАяқталды

    ӘЛЕУМЕТТІК ҚЫЗМЕТТЕР ПОРТАЛЫНЫҢ ЖҰМЫСЫ ТУРАЛЫ

    ӘЛЕУМЕТТІК ҚЫЗМЕТТЕР ПОРТАЛЫНЫҢ ЖҰМЫСЫ ТУРАЛЫ Әлеуметтік қызметтер порталы – мүгедектігі бар адамдарға мемлекет кепілдік берген әлеуметтік қызметтер мен оңалту құралдарын алуға мүмкіндік беретін электрондық ақпараттық жүйе. Порталдың негізгі мақсаты – әлеуметтік қызметтердің қолжетімділігін арттыру, қызмет алушыларға қ...

    ЖаңалықтарАяқталды

    Арал, Қармақшы аудандарына және Төретам кентінде көшпелі куәландыру жүргізу барысында ДКК төрағаларының, медициналық мекемелер дәрігерлерінің қатысуымен жиналыс өткізіліп, ақпараттық-түсіндіру жұмыстары жүргізілді.

    Департаменттің №3 медициналық-әлеуметтік сараптама бөлімімен (бұдан әрі – МӘС) 2026 жылғы 16 қарашада Арал, Қармақшы аудандарына және Төретам кентінде көшпелі куәландыру жүргізу барысында ДКК төрағасы мен медициналық мекемелер дәрігерлерлерінің қатысуымен жиналыс өткізіліп, ҚР Премьер-Министрінің орынбасары-Еңбек және...

    ЖаңалықтарАяқталды

    ҚАЗАҚСТАН РЕСПУБЛИКАСЫ ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРЛІГІ «ЦИФРЛЫҚ ЖҰМЫСПЕН ҚАМТУ ҚЫЗМЕТІ» ЖОБАСЫ АЯСЫНДА АЗАМАТТАРДЫ ЖҰМЫСҚА ОРНАЛАСТЫРУҒА ЖӘРДЕМДЕСУДІҢ ЖАҢА ТӘСІЛІН ЕНГІЗУДЕ

    🇰🇿 ҚАЗАҚСТАН РЕСПУБЛИКАСЫ ЕҢБЕК ЖӘНЕ ХАЛЫҚТЫ ӘЛЕУМЕТТІК ҚОРҒАУ МИНИСТРЛІГІ «ЦИФРЛЫҚ ЖҰМЫСПЕН ҚАМТУ ҚЫЗМЕТІ» ЖОБАСЫ АЯСЫНДА АЗАМАТТАРДЫ ЖҰМЫСҚА ОРНАЛАСТЫРУҒА ЖӘРДЕМДЕСУДІҢ ЖАҢА ТӘСІЛІН ЕНГІЗУДЕ Цифрлық жұмыспен қамту қызметі аясында мансап орталықтарының өтінішке негізделген жұмыс тәртібі мен бір реттік кеңес беру тәжір...

    ЖаңалықтарАяқталды

    Кохлеарлық импланты бар балаларды оңалту жүйесі тұрақты онлайн сабақтармен толықтырылды

    ҚР Еңбек және халықты әлеуметтік қорғау министрлігі Әлеуметтік қорғау саласын дамытудың ұлттық ғылыми орталығы кохлеарлық импланты бар балаларға арналған қашықтан есту және сөйлеу қабілетін оңалту бағдарламасын ұйымдастырды. Онлайн сабақтар дәстүрлі форматтағы оңалту курстарын толықтырып, балалардың тұрғылықты жеріне қ...

    ЖаңалықтарАяқталды

    ӘЛЕУМЕТТІК ТӨЛЕМДЕРДЕН ӨЗ ЕРКІМЕН БАС ТАРТУ СЕРВИСІН 729 ҚАЗАҚСТАНДЫҚ ПАЙДАЛАНДЫ

    ӘЛЕУМЕТТІК ТӨЛЕМДЕРДЕН ӨЗ ЕРКІМЕН БАС ТАРТУ СЕРВИСІН 729 ҚАЗАҚСТАНДЫҚ ПАЙДАЛАНДЫ Еңбек министрлігі 2026 жылғы қазанда іске қосылған «Әлеуметтік төлемдерден өз еркімен бас тарту» цифрлық сервисін осы уақытқа дейін 729 азамат пайдаланғанын хабарлайды. Осылайша, 729 адам өзіне тағайындалған әлеуметтік төлемдерден ерікті т...

    ЖаңалықтарАяқталды

    Мүгедектігі бар адамдарды әлеуметтік қорғау және арнаулы әлеуметтік қызметтер көрсету салаларында жоспардан тыс тексеру жүргізу тәртібі

    Мүгедектігі бар адамдарды әлеуметтік қорғау және арнаулы әлеуметтік қызметтер көрсету салаларында жоспардан тыс тексеру жүргізу тәртібі Қазақстан Республикасының Әлеуметтік кодексінің 258-бабына сәйкес мүгедектігі бар адамдарды әлеуметтік қорғау және арнаулы әлеуметтік қызметтер көрсету салаларындағы мемлекеттік бақыла...

    ЖаңалықтарАяқталды

    ЕҢБЕК МИНИСТРЛІГІ ЦИФРЛЫҚ СЕРВИСТЕРДІ ТҮСІНДІРУДІ ЖАЛҒАСТЫРУДА: EGOV MOBILE ҚОСЫМШАСЫНДА ӘЛЕУМЕТТІК ТӨЛЕМДЕР МЕН ЖӘРДЕМАҚЫЛАРДАН ЕРІКТІ ТҮРДЕ БАС ТАРТУ МҮМКІНДІГІ ҚОЛЖЕТІМДІ

    🇰🇿 ЕҢБЕК МИНИСТРЛІГІ ЦИФРЛЫҚ СЕРВИСТЕРДІ ТҮСІНДІРУДІ ЖАЛҒАСТЫРУДА: EGOV MOBILE ҚОСЫМШАСЫНДА ӘЛЕУМЕТТІК ТӨЛЕМДЕР МЕН ЖӘРДЕМАҚЫЛАРДАН ЕРІКТІ ТҮРДЕ БАС ТАРТУ МҮМКІНДІГІ ҚОЛЖЕТІМДІ Қазақстан Республикасы Еңбек және халықты әлеуметтік қорғау министрлігі 2026 жылғы қазан айынан бастап «Әлеуметтік төлемдер мен жәрдемақылардан...