Ауданда қазіргі уақытта:1 мәдениет үйі, 12 ауылдық клуб, 1 аудандық тарихи-өлкетану мұражайы тұрақты түрде жұмыс атқарады. Аудандық Қ.Алтынбаев атындағы мәдениет үйі мен Үкіліқыз ауылдық клубы, аудандық тарихи-өлкетану мұражайы «Мәдениет орталығы» КМҚК-ның теңгерімінде. Қалған 11 ауылдық клуб ауылдық округ әкімдіктерінің теңгерімінде.
Аталған мекемелер аудан халқының рухани сұранысын қамтамасыз етумен қатар, ұлттық мәдениеттің сақталуы мен дамуында маңызды рөл атқаруда.
Мәдениет үйлері мен клубтар
Жалпы саны: 13 (1 мәдениет үйі, 12 ауылдық клуб)
Штаттық бірлік саны: 86, 25
Қызметкерлер саны: 86
Үйірмелер саны: 50
Үйірме қатысушылары: 559
2026 жылдың басынан мәдени ошақтарда 214 іс-шара өткізілді. Келушілер саны: 13 404 адам. Атап айтсақ: Ескі жаңа жыл, Жамбыл Жабаевтың 180 жылдық мерейтойына арналған тақырыптық кеш, «Есіңде ме сол бір кез» атты ретро концерттің 20 жылдығына және «Толағай» вокалды аспаптық ансамблінің 55 жылдығына арналған дәстүрлі ретро концерт, Алғыс айту күні, 8 наурыз, «Толағай сұлуы» атты аудандық сайысы, «Ата мұра-ұрпаққа мирас» атты қолөнер көрме жәрмеңкесі, Кеңес әскерінің Ауғанстан жерінен шығарылуының 37 жылдығы, Қазақстан халқы Ассамблеясының 31 жылдығы, 8 наурыз, 14-22 наурыз күндері «Наурызнама» тұжырымдамасы, Әз-Наурыз, Қазақстан Республикасы Тәуелсіздігінің 35 жылдығына арналған «Тәуелсіздік-тұғырым, Қазақстан мақтанышым» атты Көкпекті орталығының мекемелері мен ұйымдары арасында көркемөнерпаздар байқауы, Мұқағали Мақатаевтың 95 жылдығына, ақын Күләш Ахметованың 80 жылдығына және этнограф, фольклортанушы Әбібәкір Ахметжановтың 170 жылдығына арналған «Сөз өнерінің саңлақтары» поэзия кеші, «Абай елі-өнер кеніші» атты облыстық көркемөнерпаздар байқауы және т.б.
Материалдық-техникалық база:
2026 жылы материалдық техникалық базаны нығайту мақсатында аудандық бюджеттен Үкіліқыз ауылдық клубының шатырына ағымдағы жөндеуге 3 789 657 теңге және клуб ғимаратының ішіне ағымдағы жөндеу жұмыстарына 1 786 400 теңге қаражат бөлінді.
Проблемалық мәселелер:
- Кадр жетіспеушілігі: дәстүрлі әнші.
- Ауылдық клубтардың материалдық техникалық базасының ескіруі. Атап айтқанда: музыкалық аппаратура , сахналық киімдерді жаңарту және жөндеу жұмыстарын жүргізу.
- Барлық мәдениет ошақтарына ЛЭД экран орнату.
Кітапхана
Аудан бойынша кітап қоры – 180 996 дана, мемлекеттік тілде 66152 дана, орыс тілінде – 114 590 дана, басқа тілде – 254 дананы құрайды. Аудан бойынша оқырман саны - 7873, балалар -3 181. Келушілер саны - 67 979 адам. Кітап берілімі – 149 077 дана. 7 ай аралығында кітапханаларда - 160 іс-шара өтіп, келуші саны 3 979 адамды құрады.
«KitapLab» жобасы аясында 2026 жылға Үлгілімалшы және Тассай ауылдық кітапханаларының жаңартылуы жоспарланып отыр.
Тіл саясаты
Қазақстан Республикасындағы тіл саясатын іске асыру мақсатында Көкпекті ауданында 5 іс-шара, 2 акция өткізілді.
Аудан көлемінде 3 тамыздан 3 қыркүйек аралығында «Көркем тіл, көрікті өңір» айлығы өтті. 5 қыркүйек Қазақстан халқы тілдері күні мен Ахмет Байтұрсынұлының туған күніне арналған «Тілдер бірлігі» QUIZ интеллектуалдық сайысы, «Тіл –халықтың рухани қазынасы» атты дөңгелек үстел отырысы, «Тіл-татулықтың тірегі» мерекелік концерт өткізіледі.
Мемлекеттік және басқа тілдерді оқыту орталығы КММ
2026 жылдың басынан «Тіл жүйрікте - кім жүйрік» атты интеллектуалдық сайысы, 22 наурыз мерекесіне орай «Ұлттық құндылықтар және тіл» атты дөңгелек үстел отырысы өткізілді.
Ономастика
Қазіргі таңда Көкпекті ауданы бойынша 9 ауылдық округ, 28 елді мекен, 153 құрамдас бөліктер тіркелген. 28 елді мекеннің 3 ауылы орыс тіліндегі атаумен аталған (Преображенка, Черноярка, Мелитополь).
Мемлекет басшысының Ұлттық құрылтайдың IV отырысында берген атауы қайталанатын немесе мүлдем атауы жоқ көшелерді ретке келтіру туралы тапсырмасына сәйкес Көкпекті ауданы бойынша 10 көшенің атауы облыстық ономастика комииясияның қарауына жолданды. Соның ішінде екі көшені ҰОС Жеңістің 80 жылдығына орай соғыс ардагерінің есімін беру туралы ұсынылып отыр.
Ескерткіштер
Көкпекті ауданы бойынша жергілікті маңызы бар тарих және мәдениет ескерткіштерінің мемлекеттік тізіміне 10 археологиялық ескерткіш енгізілген.
№ |
Ескерткіштің атауы |
Ескерткіштің түрі |
Ескерткіштің орналасқан жері |
1. |
Көкпекті 1 қорымы (5 қорған), ерте темір дәуірі |
археология ескерткіші |
Көкпекті ауылынан оңтүстік-шығысқа қарай 3 километр, Зайсан тас жолы бойында |
2. |
Көкпекті 2 қорымы (20 қорған), ерте темір дәуірі |
археология ескерткіші |
Көкпекті ауылынан оңтүстік-шығысқа қарай 9 километр, Зайсан тас жолы бойында |
3. |
Көкпекті 3 петроглифтер тобы, қола, ерте темір дәуірлері |
археология ескерткіші |
Көкпекті ауылынан оңтүстік-батысқа қарай 3 километр |
4. |
Кокпекті 4 қорымы (12 қорған), ерте темір дәуірі |
археология ескерткіші |
Көкпекті ауылынан оңтүстік-шығысқа қарай 5 километр, Зайсан тас жолы бойында |
5. |
Тентекжыра петроглифтер тобы, қола, ерте темір дәуірлері |
археология ескерткіші |
Көкпекті ауылынан солтүстік-шығысқа қарай 15 километр, Биғаш ауылына қарай жолда |
6. |
Үлкен Бөкен 2 қорымы, ерте темір дәуірі |
археология ескерткіші |
Үлкен Бөкен ауылынан солтүстік-шығысқа қарай 5 километр |
7. |
Кеңес Одағының батыры Қ. Аухадиевке ескерткіш, датасы анықталмаған |
монументтік өнер құрылысы |
Теректі ауылы, Аухадиев атындағы мектептің қарсысында |
8. |
Кеңес Одағының Батыры Л. С. Константиновтың бейіті, датасы анықталмаған |
ансамбльдер мен кешендер |
Үлкен Бөкен ауылы, саябақта |
9. |
Интернационалист-жауынгерлерге арналған Даңқ мемориалы, ХХ ғасырдың 90 жылдары |
монументтік өнер құрылысы |
Көкпекті ауылы, әскери комиссариаттың қарсысында |
10. |
Ауданда туған Кеңес Одағының батырлары мен Социалистік еңбек ерлеріне арналған Даңқ мемориалы, датасы анықталмаған |
монументтік өнер құрылысы |
Көкпекті ауылы, Абай көшесі аллеясы, Раев атындағы достық үйінің қарсысында |
1.Спорт
Спорттық нысандар бойынша негізгі көрсеткіштер
Абай облысы, Көкпекті ауданында «Халықтың 1000 адамға шаққандағы спорт инфрақұрылымымен қамтамасыз етілуі» 2026 жылғы көрсеткіші 80,4%-ды құрайды.
Спорт залдары бойынша: қажеттілік – 1015,8 м², бар – 993, м², немесе 97,8 %, жетіспеушілік – 22,8 м² немесе 2,2 % .
Бассейндер бойынша:қажеттілік – 317,5 м², бар – 200 м² немесе 62,99 % , жетіспеушілік – 117,5 м² немесе 37,01 %.
Ауданда дене шынықтыру және спортпен шұғылдану үшін 2025 жылдың қорытындысы бойынша 40 бірлік спорт ғимараттары, оның ішінде 1 спорттық кешен 1 жүзу бассейні, аудан орталығында 1 ипподром, ауылдық округтерде 10 ашық хоккей корты. 26 жазықтық құрылым оның 14 – і мини-футболға арналған жасанды футбол алаңдары, 12 спорттық алаңдар (воркаут), 1 спорттық ядро.
Спорт залдар
Көкпекті ауданыңда 19 спорт зал бар олар дене шынықтыру-сауықтыру кешеніңде - 3 зал; жалпы білім беретін мектептерде - 16 спорт зал.
2.Штаттық қызметкерлер
Көкпекті ауданының дене шынықтыру және спорт саласында 79 қызметкерлер еңбек етуде. Жалпы білім беретін мектептердегі дене шынықтыру мұғалімдер саны 48, БЖСМ-де 27 штаттық жаттықтырушылар, 1 әдіскер, білім бөлімінің 1 әдіскері, ФК және спорт бөлімінде 2 маман, 71 адамның жоғары дене шынықтыру білімі және 8 адамның арнайы орта білімі бар.
3.Дене шынықтыру-сауықтыру және спорттық жұмыс
Дене шынықтыру саласында аудан бойынша 649 ұйым, 18 жалпы білім беретін мектеп, 1-БЖСМ, 1-жасөспірімдер әскери-спорт клубы жұмылдырылды. Л. Фахрутдинова, 1-мүмкіндігі шектеулі балаларды түзету орталығы, ауданда балалар мен жасөспірімдер спорт мектебі жұмыс істейді, оның қызметі мектеп жасындағы балалардың дене тәрбиесі мен спорттық дайындығына бағытталған, онда 9 секция бойынша 825 оқушы айналысады. Ауданның орта мектептерінде 15 спорт түрі бойынша 112 спорт секциясы жұмыс істейді, онда 6 жастан 18 жасқа дейінгі 1356 оқушы айналысады.
2025 жылғы қарашадағы жағдай бойынша Көкпекті ауданында жүйелі түрде дене шынықтырумен және спортпен 5333 адам немесе халықтың жалпы санының 42% айналысады, бұл 12698 адамды құрайды.
Ұлттық спорт ойындарының орталығы
Абай облысында алғашқы болып Ұлттық спорт ойындар орталығы Көкпекті ауданында ашылды. Арнайы ашылу рәсіміне облыс спорт басқарма басшының өкілдерінің қатысуымен 2023 жылы қазан айының 23-24 күндері салтанатты түрде ашылды. Орталықта спорттың 7 түрі бойынша(бәйге түрлері, көкпар, аударыспақ, садақ ату, тоғыз құмалақ, асық ату және қазақ күресі) үйірмелер жұмыс істейді. Штаттық бірлігі - 12 адам, 2 тренер, 4 нұсқаушы, контингенті 165 адамды құрайды.
- Жоспар бойынша өткізілген спорттық іс – шаралар.
2025-2026 жылдар аралығында Көкпекті ауданында бекітілген жылдық жоспарға сәйкес бұқаралық спортты дамыту және тұрғындарды салауатты өмір салтына ынталандыру мақсатында әртүрлі спорт түрлерінен 50-ге жуық іс-шара өткізілді. Терроризм мен экстремизмге қарсы 14 іс-шара. Нашақорлыққа қарсы 5 іс-шара.
Аудан көлемінде ұйымдастырылған шаралардың қатарына «Көркейген өлке Көкпекті», «Аудандық ұлттық ойындар спартакиадасы», олимпиадалық және олимпиадалық емес спорт түрлерінен аудандық спартакиада, «Қойгелді батыр» атындағы қазақ күресінен республикалық турнир, «Толағай шыңы» жүгіру марафоны сондай-ақ волейболдан жастар арасындағы аудандық лига, кіші футболдан жастар арасындағы аудандық лига, облыстық садақ ату, үстел теннисі, қазақ күресінен «Көкпекті барысы» және ауыл шаруашылық қызметкерлерінің спартакиадасы т.б. өзге де спорт түрлері бойынша жарыстар өткізілді.
Аталған іс-шаралар тұрғындардың дене шынықтыру белсенділігін арттыруға, спорттық шеберліктерін дамытуға және аудан спортын одан әрі жетілдіруге оң әсерін тигізді. Жарыстар барысында белсенділік танытып, жоғары нәтиже көрсеткен қатысушылар, командалар мен спортшылар ұйымдастырушылар тарапынан бағалы сыйлықтармен, медальдармен, кубоктармен және мадақтама грамоталарымен марапатталды.
Жалпы алғанда, өткізілген спорттық іс-шаралар аудан халқының спортқа деген қызығушылығын арттырып, бұқаралық спортты дамытуда маңызды нәтижелерге қол жеткізуге мүмкіндік берді.
- 2026 жылы пайдалануға берілген спорттық нысандар.
- Жергілікті бюджет қаражаты есебінен 2026 жылы Үлгілімалшы ауылдық округі, Мамай ауылында 20х40 метр болатын кіші футбол алаңдарының құрылысы аяқталып, пайдалануға берілді. Бір футбол алаңының құны 15 млн теңге.
- Жергілікті бюджет қаражаты есебінен 2026 жылы Көкжайық ауылдық округі, Қарамойыл ауылында 20х40 метр болатын құны 15 млн теңге кіші футбол алаңдарының құрылысы жүргізілуде. Қазан айында пайдалануға беру жоспарлануда.
- Ағымдағы жылы жергілікті бюджет қаражаты есебінен құны 154 млн теңгеге, аудан тұрғындарына сауықтыру кешені сатып алынды. Қазіргі уақытта 2026 жылдың басынан пайдалануға берілді.
- 2026 жылдын басында Ажа ауылында жеке кәсіпкер Кенжебаев Қайрат туған жерге тағзым ретінде 100 млн қаражатқа көлемі 12х35м ангар үлгісіндегі спорт залының құрылысы аяқталды.