Көкпекті ауданында отбасы институтын нығайту, әйелдердің қоғамдағы рөлін арттыру және гендерлік теңдікті қамтамасыз ету бағытында бірқатар нақты жұмыстар атқарылуда. Бұл мақсатта ауданда «Әйелдер істері және отбасылық-демографиялық саясат жөніндегі комиссия» және «Асыл ана» қоғамдық бірлестігі тұрақты түрде жұмыс жүргізіп келеді.
2026 жылы Қазақстан Республикасы Президентінің жанындағы Әйелдер істері және отбасылық-демографиялық саясат жөніндегі ұлттық комиссия хаттамасының негізінде аудандық комиссияның жылдық жоспары бекітіліп, осы жоспар аясында 2 отырыс өткізілді. Аталған отырыстарда 4 маңызды мәселе қаралды. Олардың қатарында әйелдерді жұмыспен қамту, әйелдердің бос уақытын тиімді ұйымдастыру, кәсіпкер әйелдерді қолдау және көпбалалы аналарды тұрғын үймен қамтамасыз ету мәселелері қамтылды.Бұл мәселелер бойынша тиісті мемлекеттік органдарға нақты ұсыныстар жолданды.
2026 жылы Көкпекті ауданындағы әйелдердің саны 6601 адамды құрап, бұл жалпы халық санының 50,2%-ын көрсетті. Өкінішке қарай, тұрмыстық зорлық-зомбылық жағдайлары да тіркелуде. Қазіргі уақытта бұл бағытта жергілікті атқарушы орган қызметкерлері полиция қызметкерлерімен бірлесіп тиісті жұмыстар атқаруда.
Кәмелетке толмағандардың істері және олардың құқықтарын қорғау жөніндегі комиссия да белсенді жұмыс жүргізуде. 2025 жылы қабылданған шешім бойынша 1 әйел ана құқығынан айырылды.
Тұрмыстық зорлық-зомбылықтың алдын алу бағытында 2026 жылдың басынан бері 8 іс-шара өткізілді, аудан аумағында 3 баннер орнатылды. 2023 жылы ауданда көпбалалы аналардың бастамасымен «Асыл ана» қоғамдық бірлестігі құрылып, бүгінде бұл ұйым аудан әйелдері арасында белсенді жұмыс жүргізіп отыр. Комиссия аталған бірлестікпен тығыз байланыста жұмыс істеуде. Бірлескен жобалар аясында «Ас атасы – нан» жәрмеңкесі, «Көкпекті аруы - 2024» байқауы, «Ене мен келін» сайысы сәтті ұйымдастырылды. Биыл «Асыл ана» бірлестігімен бірлескен жоспар бойынша «Толағай аруы – 2025» байқауы мен «Ана – өмірдің шуағы» атты мерекелік шара өткізілді. Алдағы уақытта «Абысын – ажын» және «Батыр ана» шаралары жоспарланып отыр.
Жыл басынан бері аудандық газетте отбасылық және гендерлік саясат тақырыбында 4 мақала, әлеуметтік желілерде 14 пост жарияланды.