Жетісу облысының мәдениет, архивтер және құжаттама басқармасы

«ТӘТТІМБЕТ» АТЫНДАҒЫ АКАДЕМИЯЛЫҚ ҚАЗАҚ ХАЛЫҚ АСПАПТАРЫ ОРКЕСТРІ өнер көрсетеді

ҚҰРМЕТТІ ӨНЕРСҮЙЕР ҚАУЫМ! Сіздерді қазақтың ұлттық музыкасы мен дәстүрлі өнерін дәріптейтін ерекше концерттік кешке шақырамыз! «ТӘТТІМБЕТ» АТЫНДАҒЫ АКАДЕМИЯЛЫҚ ҚАЗАҚ ХАЛЫҚ АСПАПТАРЫ ОРКЕСТРІ өнер көрсетеді. Кеш барысында қазақтың дәстүрлі күйлері мен әсем әндері орындалып, ұлттық өнердің көркем әлеміне саяхат жасайсыздар. 1 қазан 2026 жыл, 19:00 мин. І. Жансүгіров атындағы мәдениет сарайы Сахнада — ҚР еңбек сіңірген қайраткерлері, ҚР мәдениет қайраткерлері, халықаралық байқаулардың лауреаттары және оркестрдің талантты өнерпаздары. Ұлттық өнерді бірге тамашалайық! Кеш қонағы болыңыз! Билеттер: Freedom Ticket

Бикен Римова атындағы академиялық драма театрының қыркүйек айындағы репертуары

Бикен Римова атындағы академиялық драма театрының қыркүйек айындағы репертуары

Би апа театры өзінің 51-ші театр маусымын «Қозы Көрпеш – Баян Сұлу» спектаклімен салтанатты түрде ашады

Көрермендерге қазақ эпосының асыл інжу-маржаны және мәңгілік махаббат туралы аңызға айналған дастан – «Қозы Көрпеш – Баян Сұлу» трагедиясы ұсынылады. Спектакльдің режиссер-қоюшысы – Қазақстанның еңбек сіңірген қайраткері Болат Ұзақов. Қоюшы-суретші – Ерлан Тұяқов. Композиторы – Гүлнұр Нұрасыл, музыкалық безендіру – Арнай Азанбаев, аранжировкалаушы – Медет Есбергенов, балетмейстер – «Ерен еңбегі үшін» медалінің иегері Салтанат Сұңғат, сахналық ұрыс қоюшысы – Ернар Мекебаев. Түркі әлемінің ортақ рухани мұрасы болып табылатын бұл туынды театрдың іргесі қаланған кезеңде-ақ көрермен назарына алғаш рет ұсынылған еді. Міне, енді уақыт пен кеңістік сынынан абыроймен өткен Қозы мен Баянның тағдырлы махаббат хикаясы қазіргі ұрпаққа өз дастанын қайта баяндайды. Махаббат пен адалдықтың символына айналған қойылымда сезім шынайылығы, шынайы достық, берілгендік, сондай-ақ қатыгездік пен зұлымдық сияқты адами қасиеттер терең бейнеленген. Шығарманың идеялық өзегі – сол дәуір жастарының өз махаббатына адалдық арқылы бақытқа жету арманы мен ұмтылысы. Ұлттық рух пен эпикалық драматургия үйлесімін сақтай отырып, классикалық туынды жаңа қырынан ашылып, қазіргі көрерменмен рухани сабақтастық орнатады.

Абай күніне арналған «Абай – даналықтың дара шыңы» рухани кешке шақырамыз!

Дәнеш Рақышев атындағы филармониясының IV маусымының жабылу концертіне шақырамыз!

Құрметті қала тұрғындары мен қонақтары! Сіздерді Жетісу облысының Дәнеш Рақышев атындағы филармониясының IV маусымының жабылу концертіне шақырамыз! Бұл кеш – өнер мен шабыттың, әсем әуен мен жарқын әсердің мерекесі. Филармония өнерпаздары сіздерге маусымның ең таңдаулы шығармаларын тарту етеді. 24 маусым 2026 жыл, Сағат 19:00, Қаратал жағажайы Керемет көңіл-күй мен ұмытылмас музыкалық кеште жүздескенше!

Бикен Римова атындағы академиялық драма театрының маусым айындағы репертуары