memleket.kz

    Шығыс Қазақстан облысының туризм және инвестиция басқармасы

    Басқарма туралы

    Шығыс Қазақстан облысының туризм басқармасының миссиясы: Өңірдің туристік әлеуетін тұрақты әлеуметтік-экономикалық өсудің негізгі факторы ретінде дамыту және ілгерілету, туристерді тартуға және оларға қызмет көрсетуге қолайлы жағдай жасау, Шығыс Қазақстан облысының мәдени, табиғи және тарихи мұрасын сақтау және насихаттау, туризм саласындағы инновациялық әрі экологиялық тұрғыдан жауапты бастамаларды қолдау, туристік қызметтердің сапасын арттыру және өңірдің ішкі және халықаралық туризм үшін тартымды әрі қауіпсіз бағыт ретіндегі беделін нығайту.

    Жаңалықтар

    Барлық жаңалықтар
    Ашу

    Шығыс Қазақстан облысы Астанада өткен Creative Aimaq көрмесінде өзінің туристік және креативтік әлеуетін таныстырды

    Ашу

    ШҚО әкімі Қазақстан мен Ресей президенттерінің қатысуымен өткен форумда өңірдің әлеуетін таныстырды

    Ашу

    Шығыс Қазақстан облысындағы Киін-Керіш шатқалында туристік аумақты абаттандыру жұмыстары аяқталды

    Ашу

    Қазақстанда инвестициялық преференцияларды қалай алуға болады?

    Ашу

    Шығыс Қазақстан облысында ауыл туризмі дамуын жалғастыруда

    Ашу

    Шығыс Қазақстан облысының әкімі Н.А. Сақтағанов бастаған Шығыс Қазақстан облысының делегациясы Қытай Халық Республикасының Алтай қаласында өткен «Үлкен Алтай – 2026» өңіраралық ынтымақтастық жөніндегі халықаралық конференциясына қатысты.

    Оқиғалар

    Барлық оқиғалар
    ОтырысАяқталды

    «АЛТАЙ – ТҮРКІ ӘЛЕМІНІҢ АЛТЫН БЕСІГІ»

    «Алтай – түркі әлемінің алтын бесігі» Катонқарағай ауданында түркі әлемінің мәдени мұрасы мен өнерін тоғыстыратын халықаралық фестиваль өтеді . 2026 жылғы 10–12 шілде күндері Шығыс Қазақстан облысының Катонқарағай ауданында халықаралық «Алтай – түркі әлемінің алтын бесігі» фестивалі өтеді. Үш күнге созылатын ауқымды мәдени шара түркі халықтарының ортақ тарихын, дәстүрін, өнері мен рухани құндылықтарын дәріптеуге бағытталған. Фестиваль бағдарламасына айтыс, поэзия кештері, ұлттық спорт түрлері, аламан бәйге, этно-мәдени жобалар, қолөнер көрмелері, гастрономиялық фестивальдер және халықаралық деңгейдегі концерттік бағдарламалар енген. Фестивальдің басты ерекшелігі – Пырақ туралы қойылым . Биылғы фестивальдің негізгі тақырыбы – түркі дүниесінің қасиетті символы саналатын ақ қанатты тұлпар – Пырақ. Фестивальдің ашылу салтанатында арнайы театрландырылған хореографиялық қойылым ұсынылады. Қойылымда жылқының адамзат өркениетіндегі орны, көшпенділер мәдениетін қалыптастырудағы рөлі, Ұлы дала тарихының жылқымен байланысы және түркі халықтарының рухани дүниесіндегі қасиетті мәні көркем тілмен баяндалады. Бұл сахналық композиция көрермендерді мыңжылдықтар тереңіне жетелеп, жылқының адам өмірін өзгерткен ұлы құбылыс екенін көрсетуге бағытталған. Халықаралық гала-концерт . Фестиваль аясындағы ең ауқымды мәдени оқиға – халықаралық ГАЛА-КОНЦЕРТ болады. Концерт сахнасында Қазақстанның және түркі әлемінің танымал өнер жұлдыздары өнер көрсетеді: Қазақстаннан – әлемге әйгілі әнші Димаш Құдайберген , «Сармат» тобы ; Қарақалпақстаннан – Ербай Ниязов ; Әзербайжаннан – Эфенди ; Өзбекстаннан – Севара Хантуланова ; Қырғызстаннан – JAX (Джакс) ; Мажарстаннан – Nox тобы; Түркиядан – Мұрат Я п рак ; Башқұртстаннан – «Хазина» тобы ; Моңғолиядан – Субейди Самдум және «От» тобы ; Тыва Республикасынан – Айзана . Әлемнің әр түкпірінен жиналған өнерпаздар ортақ түркі мәдениетін дәріптеп, көрермендерге ерекше музыкалық кеш сыйлайды. Түркі әлемін біріктіретін алаң . «Алтай – түркі әлемінің алтын бесігі» фестивалі – мәдениеттер тоғысқан, бауырлас халықтарды жақындастыратын халықаралық алаң. Фестивальдің басты мақсаты – түркі халықтарының ортақ тарихи тамырын насихаттау, мәдени байланыстарды нығайту және Алтайдың туристік әлеуетін әлемге таныту. Катонқарағайдың көркем табиғаты аясында өтетін фестиваль қонақтарға ұлттық дәстүр мен заманауи мәдениеттің үйлесімін сезінуге мүмкіндік береді. Алтай төрінде жүздескенше!

    10 шілде 2026 ж.Тікелей
    ОтырысАяқталды

    Облыста ай сайын Өңірлік инвестициялық штабтың отырысы өткізіледі.

    Ай сайын айдың бірінші онкүндігінде кәсіпкерлік және өнеркәсіп басқармасымен бірлесіп өңірлік инвестициялық штаб өткізіледі. Штабтың қатысушылары мүдделі мемлекеттік органдар, өңірлік кәсіпкерлер палатасының, облыстық прокуратураның өкілдері, "KazakhInvest"ҰК АҚ өңірлік өкілдері болып табылады. Отырыста аудандар мен қалалардың, басқарманың өкілдері және инвестициялық жобалардың өкілдері тыңдалады.

    1 тамыз 2025 ж.Тікелей
    г.Усть-Каменогорск, улица М.Горького, 40
    ОтырысАяқталды

    Абай Құнанбайұлы — қазақ халқының рухани болмысы мен ұлттық санасының айшықты тұлғасына 180 жыл.

    2025 жылдың 10 тамызында ұлы қазақ ақыны, ойшылы, сазгері әрі ағартушысы Абай Құнанбайұлының туғанына 180 жыл толады. Абайдың шығармашылығы қазақ әдебиеті мен мәдениетінің өркендеуіне жол ашып, оның терең философиялық ойлары ұлттың рухани дамуына зор ықпал етті. Ол білімге, прогреске және ынтымаққа үндеді. Абайдың «Қара сөздері» сынды туындылары бүгінгі күнге дейін маңызын жоғалтпай, жас ұрпақты шынайылық пен үйлесімге ұмтылуға шабыттандыруда.

    10 тамыз 2025 ж.Тікелей

    Құжаттар

    Барлық құжаттар
    Ақпарат

    АНЫҚТАМАЛЫҚ АҚПАРАТ Шығыс Қазақстан облысындағы туризмді дамыту туралы

    Ресми статистикалық деректерге сәйкес, 2026 жылдың І тоқсанының (қаңтар–наурыз) қорытындысы бойынша Шығыс Қазақстан облысының туристік саласы тұрақты өсім көрсетуде. Өңір орналастыру орындарының саны бойынша республикада бірінші орынға шықты, олардың жалпы саны 429 бірлікті (+58 бірлік) құрады, сондай-ақ бір мезгілде орналастыру сыйымдылығы 21 901 төсек-орынға (+5%) жетіп, республика бойынша екінші орынға ие болды. Жалпы туристер ағыны 83 мың адамды құрады (оның ішінде 80 мың ішкі турист және 3 мың шетелдік турист). Қаржылық көрсеткіштер бойынша да оң динамика байқалады: көрсетілген қызметтердің көлемі 2,3 млрд теңгеге (+20,6%) дейін ұлғайды, ал саланың негізгі капиталына салынған инвестициялар көлемі 5,5 млрд теңгені (+42,6%) құрады, оның ішінде 2,3 млрд теңге (+21,7%) уақытша тұру қызметтеріне бағытталды. Өңірдің 2029 жылға дейінгі экономикалық даму стратегиясына сәйкес туристік дестинацияларды дамыту 4 негізгі туристік кластерге шоғырландырылған: Қатонқарағай және Үлкен Нарын: сауықтыру және экотуризм (wellness-қонақүйлер, пантомен емдеу, апитерапия). Глубокое ауданы, Алтай және Риддер: белсенді демалыс және тау шаңғысы туризмі. Марқакөл және Зайсан: табиғи мұра және экологиялық туризм. «Қала – Таулар – Көлдер» (Өскемен қаласы, Ұлан және Глубокое аудандары): демалыс күндері туризмі аясындағы жыл бойғы туристік дестинация. 2025 жылы Алтай қаласындағы «Достық» қонақ үйі мен мейрамханасының құрылысы және Өскемен қаласындағы «Бейбарыс» қонақ үйін реконструкциялау сияқты бірқатар ірі жобалар сәтті аяқталды. Ағымдағы жылы «Заречье» экологиялық қонақ үйі мен «Приморск» демалыс базасын кеңейту жоспарланып отыр. Сондай-ақ 2028 жылға дейін Өскемен қаласындағы «Hilton Garden Inn» қонақ үйі мен Қатонқарағай ауданындағы «Wellness Resort» санаторийлік-сауықтыру кешені сияқты ірі туристік нысандарды пайдалануға беру жоспарланған. Мемлекет басшысының туристік аймақтардың дайындығын арттыру жөніндегі тапсырмаларын орындау аясында облыс әкімдігімен Шығыс Қазақстан облысының туристендіру картасы бекітілді (2025 жылғы 30 қазандағы №273 қаулы). Құжатпен инженерлік инфрақұрылым жүргізілетін 23 басым аумақ бекітілді, оның ішінде Бұқтырма су қоймасы, Сібе көлдерінің жағалаулары және басқа да аумақтарды қамтитын 13 жаппай демалыс орны айқындалды. Алтай ауданындағы Бұқтырма су қоймасының жағалауында орналасқан «Арбат» аймағы мен қоғамдық жағажайды абаттандыру жұмыстары жалғасуда. Қауіпсіздікті күшейту мақсатында бейнебақылау камераларын, құтқару мұнаралары мен бекеттерін орнату мәселесі пысықталуда. Самар ауданында «Арбат» құрылысын салуға арналған жобалау-сметалық құжаттама әзірленіп, демалыс базаларын электрмен жабдықтау үшін электр жеткізу желілерін салу жұмыстары жүргізілуде. Құтқарушылар санын 2 адамнан 7 адамға дейін ұлғайту жоспарланған. Өскемен қаласында «Самал» және «КНМ» жағажайларын абаттандыру жұмыстары жүргізілуде. Жұмыстар қажетті инфрақұрылыммен жабдықтауды, қосымша беседкалар орнатуды, 20 бейнебақылау камерасын орналастыруды, санитариялық тораптарды жөндеуді және жағажай жабдықтарын жаңартуды қамтиды. Облыстың басқа да коммуналдық жағажайларында душ кабиналарын, жатын орындықтарды және қауіпсіздік құралдарын қосымша орнату мәселесі пысықталуда. Көлік қолжетімділігін жақсарту мақсатында 2025 жылы туристік аймақтарға апаратын 65,4 км автомобиль жолы жөнделді. Ағымдағы жылы 114 км жолға ауқымды жөндеу жұмыстарын жүргізу жоспарланған. Туристік дестинацияларға апаратын автомобиль жолдарының бойында 34 санитариялық-гигиеналық торап жұмыс істейді, ағымдағы жылы тағы 9 бірлікті орталықтандырылған тәртіппен орнату жоспарланған. Танымал туристік аймақтарда коммуналдық қалдықтарды жинау және шығару ұйымдастырылған. Мысалы, Алтай ауданындағы Жаңа Бұқтырма кентінде өткен жылы қатты тұрмыстық қалдықтарды жинауға арналған 8 алаңдағы 45 контейнер жөнделіп, қосымша 50 контейнер сатып алынды. Туристік аймақтарды ұялы байланыспен және интернетпен қамтамасыз ету жұмыстары жалғасуда. Туристендіру картасына енгізілген 33 локацияның 30-ы 3G/4G мобильді интернетімен қамтамасыз етілген. Шалғай аумақтар үшін Starlink және OneWeb спутниктік терминалдарын пайдалану мәселесі пысықталуда. Оларды кезең-кезеңімен қосу ағымдағы жылдың соңына дейін жоспарланған.

    Жарияланды:
    Ақпарат

    2026 жылғы II тоқсанбойынша сыртқы байланыстар бөлімінің есебі

    2026 жылдың екінші тоқсанында Шығыс Қазақстан облысына 23 шетелдік компаниялар мен делегациялардың өкілдері келді. Олардың қатарында Қытайдың «Xinjiang Jiahefeng Agricultural Supplies Co Ltd.», «Sanbao», «Wanjiang», «Huiju», «Chenzhou Xun Hui Kuang ye», «Hunan Junyang Environmental Protection Technology Co., Ltd.», «Beijing Construction Engineering Co., Ltd.», «Runjian Co., Ltd.», «Walle Reclamation» компаниялары, «Мобайл Телеком Сервис» ЖШС Басқарма төрағасы, Таяу шетел елдеріндегі корпоративтік сату департаментінің директоры, «LIDER FOOD IMPORT LLC», «KPMG» компаниясы мен Азия даму банкінің өкілдері, «ОРИКА» компаниясының өкілдері, «Asia Cailin Technology» ЖШС, «Jinhong SANY Machinery» компаниясы, Шығыс Қазақстандағы «Success Minerals Ltd.» компаниясының өкілі, «Р.Е. Алексеев атындағы СПК ОКБ» АҚ өкілдері, «Синьцзяндық «Sanbao» сауда-өнеркәсіп корпорациясы» ЖШҚ және «Ухань Тяньюань корпорациясы» АҚ өкілдері, «MVI TOP» медициналық орталығының президенті Наталья Хедват, сондай-ақ Франция, Грузия, Беларусь, Тәжікстан және Моңғолия мемлекеттерінің Қазақстан Республикасындағы Төтенше және Өкілетті Елшілері болды. Әрбір делегация үшін сапардың мақсатына, тілектері мен ерекшеліктеріне сәйкес алдын ала жеке бағдарлама әзірленіп, жан-жақты пысықталды. Сапарлар аясында Шығыс Қазақстан облысының әкімімен немесе жетекшілік ететін облыс әкімінің орынбасарымен кездесулер ұйымдастырылып, онда экономика, білім беру, мәдениет, туризм және инвестициялар салаларындағы екіжақты ынтымақтастықтың перспективалары мен бірлескен жобаларды іске асыру мәселелері талқыланды. Сонымен қатар, қонақтарға өңірдің экономикалық және өнеркәсіптік әлеуеті, әлеуметтік инфрақұрылым нысандары, сондай-ақ облыстың тарихи-мәдени көрікті жерлері таныстырылды. Өңіраралық және халықаралық ынтымақтастықты дамытуға, мәдени және гуманитарлық байланыстарды нығайтуға ерекше назар аударылды. Сондай-ақ Шығыс Қазақстан облысы делегациясының Қытай Халық Республикасына (Шанхай, Алтай және Ухань қалалары) іссапарлары ұйымдастырылды. 2026 жылғы 26–28 мамыр аралығында Шығыс Қазақстан облысының делегациясы «Buqtarma», «Aventura» және «DriveDjeepKz» жетекші туристік операторларымен бірлесіп Шанхай қаласында өткен ITB China 2026 халықаралық туристік B2B көрмесіне қатысты. Көрме барысында өңірдің бірегей табиғи орындары, белсенді, экологиялық және оқиғалық туризм мүмкіндіктері, сондай-ақ Қазақстан Алтайының жаңа туристік маршруттары таныстырылды. 2026 жылғы 9–10 маусым аралығында Шығыс Қазақстан облысының делегациясы Қытай Халық Республикасының Шыңжаң Ұйғыр автономиялық ауданының Алтай қаласында өткен «Біздің ортақ үйіміз – Алтай» халықаралық субөңірлік конференциясына қатысты. Конференция барысында Шығыс Қазақстан облысы өнеркәсіп, ауыл шаруашылығы, туризм, көлік-логистика, энергетика және орман өнеркәсібі сияқты экономиканың негізгі бағыттары бойынша өңірдің инвестициялық әлеуетін таныстырды. Форум қатысушыларына перспективалы инвестициялық жобалар, өңірдің бәсекелестік артықшылықтары және халықаралық ынтымақтастықты кеңейту мүмкіндіктері ұсынылды. Сонымен қатар, конференция аясында Қытай компанияларының өкілдерімен B2B форматында екіжақты кездесулер ұйымдастырылды. Келіссөздер барысында өнеркәсіптік өндіріс, ауыл шаруашылығы өнімдерін қайта өңдеу, туризм, логистика, энергетика және орман өңдеу салаларына инвестициялар тарту мүмкіндіктері талқыланды. 2026 жылғы 29 маусымда облыс әкімінің орынбасары Б.К. Баяхметовтың «Ухань Тяньюань корпорациясы» ЖШҚ және «Синьцзяндық «Сан Бао» сауда-өнеркәсіп корпорациясы» ЖШҚ өкілдерімен кездесуі ұйымдастырылды. Кездесу аясында Қазақстан Республикасының Шығыс Қазақстан облысында қатты тұрмыстық қалдықтарды жағу арқылы электр энергиясын өндіретін зауыт салу жобасы бойынша ынтымақтастық туралы меморандумға қол қойылды. Өткізілген кездесулер мен іссапарлар Шығыс Қазақстан облысының халықаралық байланыстарын нығайтуға, сыртқы экономикалық және гуманитарлық ынтымақтастығын кеңейтуге бағытталған маңызды қадам болды.

    Жарияланды: