Қызылорда облысының мәдениет, архивтер және құжаттама басқармасы

Соңғы уақытта азаматтардың туу туралы акт жазбасында көрсетілмеген нақты туған уақытын (сағаты мен минутын) анықтау жөніндегі сұрау салулары жиілеген. Нақты туған уақыт туралы мәліметтерді қамтитын туу туралы журналдар тиісті мекемелерде сақталады. Аталған журналдардың сақтау мерзімі – 5 жыл. Осыған байланысты архивте азаматтардың туу уақытын (сағаты мен минутын) анықтау мүмкіндігі шектеулі.

«Кітап оқитын ұлт» республикалық марафонына қатысу үшін алдымен арнайы платформаға тіркелу қажет. Қатысу тәртібі: Марафонның ресми сайтына кіріңіз: https://reading-nation.kz/ Тіркелуден өтіңіз және өзіңізге сәйкес қатысу бағытын таңдаңыз. Марафонға ұсынылған 330 кітаптың ішінен 15 кітапты оқыңыз. Оқыған кітаптарыңыз туралы жеке кабинетіңізге пікір немесе рецензия жүктеп отырыңыз. Марафонның қорытынды кезеңінде тестілеу мен зияткерлік квиздерге қатысыңыз. Белсенді қатысушылардың нәтижелері қорытындыланып, марапаттау рәсімі өткізіледі. Қатысу бағыттары: * «Кітап оқитын мектеп»; * «Кітап оқитын колледж»; * «Кітап оқитын университет»; * «Кітап оқитын педагог»; * «Кітап оқитын әулет»; * «Кітап оқитын мемлекеттік қызметші»; * «Кітап оқитын зияткер». Яғни, марафонға қатысу үшін тіркеліп, өз бағытыңызды таңдап, 15 кітап оқып, олар бойынша пікір қалдыру және қорытынды тапсырмаларға қатысу қажет.

«Бақыт мекені» жобасы отау құруға ниетті жастар мен жас отбасыларға қолдау көрсетуге бағытталған. Жоба аясындағы кеңестерді кез келген қала тұрғыны ала алады. Ашық есік күні әр бейсенбі сайын сағат 10:00-13:00 аралығында Отбасы орталығында ұйымдастырылады. Бұл күні тұрғындар Отбасы банкі, Мансап орталығы, Жастар ресурстық орталығы және Жастар денсаулығы орталығы мамандарынан тұрғын үй, жұмыспен қамту, отбасын жоспарлау және репродуктивті денсаулық бағыттары бойынша тегін кеңес алып, өздерін қызықтырған сұрақтарына жауап таба алады. Жобаның негізгі мақсаты-жастар мен жас отбасыларға қажетті ақпарат пен кеңесті бір ортада ұсынып, олардың отбасы құруына, баспаналы болуына, жұмыспен қамтылуына және отбасы әл-ауқатын нығайтуына қолдау көрсету.

Театрдағы спектакльдер мен іс-шараларға кіру билетті қажет етеді. Билет бағасы қойылымның түріне және өткізілу форматына байланысты белгіленеді. Билеттерді театрдың кассасынан немесе ресми онлайн платформалардан сатып алуға болады.

Иә, жергілікті авторлардың шығармаларын қолдау және өңірдің әдеби-мәдени мұрасын сақтау мақсатында авторлар ұсынған жаңа басылымдар кітапхана тарапынан қарастырылады. Ұсынылған кітаптың мазмұны, тақырыптық бағыты, әдеби-танымдық және өлкетанулық құндылығы, сондай-ақ оқырмандар сұранысы ескеріледі. Кітапхана қорына қажеттілігі анықталған жағдайда, басылымды қолданыстағы тәртіпке сәйкес мемлекеттік сатып алу арқылы сатып алу мүмкіндігі қарастырылады.

Жазғы демалыс кезеңінде облыс тұрғындары мен қонақтарының бос уақытын тиімді ұйымдастыру, мәдени-көпшілік іс-шараларға тарту және отбасылық демалысты мазмұнды өткізу мақсатында әр сенбі сайын Президент паркі және қалалық, аудандық паркінлерінде, саябақтарда мәдениет ұйымдарының ұйымдастыруымен ашық аспан астында концерттік бағдарламалар, шығармашылық кештер, көрмелер, театрландырылған қойылымдар, ұлттық өнерді насихаттауға бағытталған мәдени шаралар және түрлі ойын-сауық бағдарламалары өткізілуде. Сонымен қатар, балалар мен жасөспірімдердің жазғы демалысын тиімді ұйымдастыруға ерекше көңіл бөлініп, олардың шығармашылық қабілеттерін дамытуға арналған лагерлерде, балабақшаларда қойылымдар, мәдени-танымдық іс-шаралар өтуде.