Халықты әлеуметтік қорғау саласындағы реттеу және бақылау комитетінің Ақмола облысы бойынша департаменті

Ағымдағы жылдың 1 шілдесінен бастап жаңа Құрылыс кодексінің ережелеріне сәйкес халықты әлеуметтік қорғау саласындағы орталық уәкілетті органға объектілердің мүгедектігі бар адамдар үшін қолжетімділігін қамтамасыз ету бөлігінде Сәйкестік туралы декларацияны келісу жөніндегі өкілеттіктер берілді. Сәйкестік туралы декларация - құрылысы аяқталған объектінің заңнама талаптарына, құрылыс нормаларына және жобалық құжаттамаға сәйкестігін растайтын ресми құжат. Бұл құжат объектінің қауіпсіз пайдалануға дайын екенін куәландырады және мүгедектігі бар адамдар мен халықтың басқа да жүріп-тұруы шектеулі топтары үшін қолжетімділікті қамтамасыз ету талаптарын қоса алғанда, міндетті талаптардың орындалғанын растайды. Сәйкестік туралы декларацияны келісу тәртібі 1) Өтініш беру Өтініш қажетті құжаттарды қоса бере отырып, электрондық түрде e-Otinish ақпараттық жүйесі арқылы немесе Ақмола облысы бойынша Халықты әлеуметтік қорғау саласындағы реттеу және бақылау комитеті департаментіне тікелей беріледі. Мекенжайы: Ақмола облысы, Көкшетау қаласы, А. Пушкин көшесі, 23-үй, 209-кабинет. 2) Өтінішті қарау Мамандар ұсынылған өтініш пен құжаттардың белгіленген талаптарға сәйкестігін Қазақстан Республикасының Әкімшілік рәсімдік-процестік кодексіне (ӘРПК) сәйкес 15 жұмыс күні ішінде қарайды. 3) Мамандардың объектіге баруы Өтінішті қарау шеңберінде мамандар объектінің нақты жай-күйін тексеру және оның халықтың жүріп-тұруы шектеулі топтары үшін қолжетімділігін бағалау мақсатында объектіге барады. 4) Объектіні тексеру Объектіге бару барысында оның қолжетімділік талаптарына сәйкестігі тексеріледі. Халықтың жүріп-тұруы шектеулі топтары үшін объектілердің қолжетімділігін қамтамасыз ету талаптары Қазақстан Республикасының Әлеуметтік кодексінің 154-бабында, ҚР ҚН 3.06-01-2011 «Халықтың жүріп-тұруы шектеулі топтары үшін ғимараттар мен құрылыстардың қолжетімділігі», ҚР ЕЖ 3.06-101-2012 «Халықтың жүріп-тұруы шектеулі топтарының қолжетімділігін ескере отырып, ғимараттар мен құрылыстарды жобалау. Жалпы ережелер», сондай-ақ Қазақстан Республикасының өзге де қолданыстағы нормативтік құжаттарында белгіленеді. Тексеру барысында, оның ішінде: -объектіге іргелес аумақ пен объектіге дейінгі кіреберіс жолдардың қолжетімділігі; -кіреберіс тобы; -пандустардың, тұтқалардың және қолжетімділіктің өзге де элементтерінің болуы және белгіленген талаптарға сәйкестігі; -объектінің ішіндегі қозғалыс жолдарының қолжетімділігі; -есік ойықтары, өткелдер және маневр жасау аймақтары; -баспалдақтар, лифтілер, көтергіш платформалар және басқа да тік қозғалу -құралдары (болған жағдайда немесе қажет болған кезде); -санитариялық үй-жайлардың қолжетімділігі; -ақпараттық, визуалды және тактильді навигация құралдарының болуы; -халықтың жүріп-тұруы шектеулі топтарының қызметтерді қауіпсіз әрі өз бетінше алу мүмкіндігі тексеріледі. 5) Тексеру нәтижесі Объектіні тексеру нәтижелері бойынша объектінің халықтың жүріп-тұруы шектеулі топтары үшін қолжетімділік бойынша белгіленген талаптарға сәйкестігі немесе сәйкес еместігі туралы қорытынды шығарылады. 6) Өтінішті қарау нәтижесі Объект белгіленген талаптарға сәйкес келген жағдайда, Сәйкестік туралы декларация келісіледі. Сәйкессіздіктер анықталған жағдайда, анықталған сәйкессіздіктер көрсетіле отырып, уәжді бас тарту беріледі. Декларацияны ұсынбас бұрын объектінің қолжетімділікті қамтамасыз ету бойынша белгіленген талаптарға сәйкестігін өз бетінше тексеру және сәйкессіздіктер анықталған жағдайда оларды жою жөнінде шаралар қабылдау ұсынылады. Қажет болған жағдайда жобалық шешімдерді жобалау ұйымымен алдын ала келісу ұсынылады. Бұл ретте ҚР ҚН 3.06-01-2011 «Халықтың жүріп-тұруы шектеулі топтары үшін ғимараттар мен құрылыстардың қолжетімділігі» және ҚР ЕЖ 3.06-101-2012 «Халықтың жүріп-тұруы шектеулі топтарының қолжетімділігін ескере отырып, ғимараттар мен құрылыстарды жобалау. Жалпы ережелер» талаптарын ескеру қажет.

Халықты әлеуметтік қорғау саласында арнаулы әлеуметтік қызметтер көрсетуге лицензия арнаулы әлеуметтік қызметтер көрсету жөніндегі қызметті жүзеге асыратын субъектілерге беріледі. Лицензия алу үшін белгіленген біліктілік талаптарына сәйкес келу және қызметтерді көрсету үшін тиісті жағдайлардың болуы қажет. Негізгі талаптар Ғимарат немесе үй-жай Арнаулы әлеуметтік қызметтер көрсетуге жарамды ғимараттың немесе үй-жайдың меншік құқығында не жалдау шарты негізінде болуы қажет. Үй-жайдың болуы жылжымайтын мүлікке құқықтардың мемлекеттік тіркелгені туралы мәліметтермен не жылжымайтын мүліктің бірыңғай мемлекеттік кадастрының ақпараттық жүйесінен алынған ғимаратты (үй-жайды) жалдау шартымен расталады. Санитариялық-эпидемиологиялық талаптарға сәйкестік Объектінің заңнама талаптарына сәйкестігі туралы санитариялық-эпидемиологиялық қорытындының болуы немесе Қазақстан Республикасының заңнамасында көзделген жағдайларда қызметтің басталғаны туралы хабарламаның болуы қажет. Өрт қауіпсіздігі Объектінің өрт қауіпсіздігі талаптарына сәйкестігін растайтын құжаттардың болуы қажет. Қолданыстағы объектілер бойынша Қазақстан Республикасының Кәсіпкерлік кодексіне сәйкес өрт қауіпсіздігі саласындағы бақылау және қадағалау субъектісіне (объектісіне) бару арқылы жүргізілген тексеру не профилактикалық бақылау нәтижелері туралы актінің көшірмесі немесе аудит ұсынылады. Мүгедектігі бар адамдар үшін қолжетімділікті қамтамасыз ету Объект мүгедектігі бар адамдар үшін қолжетімділікті қамтамасыз етуі тиіс, оның ішінде: -кіреберіс топтарына; -қозғалыс жолдарына; -қызмет көрсету аймақтарына; -санитариялық-тұрмыстық үй-жайларға; -ақпарат және телекоммуникация құралдарына; -мүгедектігі бар адамдарға арналған автотұрақ орындарына қолжетімділік қамтамасыз етілуі қажет. Тамақтану объектісі Арнаулы әлеуметтік қызметтерді алушылардың тұруы ұйымдастырылған немесе қызмет алушылар объектіде 4 сағаттан астам болған жағдайда, Қазақстан Республикасының заңнамасында белгіленген санитариялық және өзге де талаптарға сәйкес тамақтану объектісінің болуы қажет. Материалдық-техникалық база Көрсетілетін арнаулы әлеуметтік қызметтердің тиісті сапасын қамтамасыз ететін материалдық-техникалық базаның болуы қажет: -әлеуметтік-тұрмыстық; -әлеуметтік-медициналық; -әлеуметтік-педагогикалық; -әлеуметтік-еңбек; -әлеуметтік-мәдени; -әлеуметтік-психологиялық қызметтер. Материалдық-техникалық база арнаулы әлеуметтік қызметтер көрсететін ұйымдардың қызметі қағидаларында белгіленген талаптарға сәйкес келуі тиіс. Қызметкерлер штаты Халықты әлеуметтік қорғау саласында арнаулы әлеуметтік қызметтер көрсететін ұйымдардың қызметі қағидаларында белгіленген штаттық нормативтерге сәйкес қызметкерлер штатының болуы қажет. Қызметкерлер атқаратын лауазымдарға қойылатын талаптарға сәйкес тиісті білімі мен біліктілігіне ие болуы тиіс. Жатын бөлмелер Қызмет алушылардың тұруын көздейтін арнаулы әлеуметтік қызметтер көрсетілген жағдайда, халықты әлеуметтік қорғау саласында арнаулы әлеуметтік қызметтер көрсетудің белгіленген стандарттарына сәйкес келетін жатын бөлмелердің болуы қажет. Өтінішті қарау және талаптарға сәйкестігін тексеру нәтижелері бойынша заңнамада белгіленген тәртіппен лицензия беру немесе оны беруден бас тарту туралы шешім қабылданады. Халықты әлеуметтік қорғау саласында арнаулы әлеуметтік қызметтер көрсетуге арналған лицензия субъектілерге 3 жыл мерзімге беріледі. Назар аударыңыз! Талаптардың нақты тізбесі ұйымның түріне, арнаулы әлеуметтік қызметтерді көрсету нысанына және қызмет алушылардың санатына байланысты болады. Қолданыстағы талаптарды Қазақстан Республикасының нормативтік құқықтық актілерінің қолданыстағы редакцияларын ескере отырып тексеру қажет.

Иә. Мүгедектік белгіленгеннен кейін оны растайтын анықтаманы электрондық үкімет арқылы электрондық түрде алуға болады. Қызмет тегін көрсетіледі.

Иә. Қағидаларда көзделген жағдайларда, оның ішінде тіршілік әрекетінің шектелу дәрежесіне әсер ететін денсаулық жағдайы өзгерген кезде, мерзімінен бұрын қайта куәландырудан өтуге болады.

Жоқ. Мүгедектік белгілі бір мерзімге белгіленуі мүмкін. Мерзімі организм функциялары бұзылыстарының сипаты мен дәрежесіне, аурудың болжамына және заңнамада көзделген басқа да өлшемшарттарға байланысты айқындалады. Заңнамада белгіленген жағдайларда мүгедектік мерзімсіз белгіленуі мүмкін.

МӘС шешіміне заңнамада белгіленген тәртіппен шағымдануға болады. Ол үшін адам немесе оның заңды өкілі тиісті уәкілетті органға шағым беруге құқылы.