Ешев Серикболат Есенгалиевич
Қазақстан Республикасы Энергетика министрлігі Мемлекеттік энергетикалық қадағалау мен бақылау комитетінің Батыс Қазақстан облысы бойынша аумақтық департаментінің басшысы
Өмірбаян
1968 жылы туған. Алматы энергоқұрылыс техникумын «электр технигі» мамандығы, Алматы энергетика және байланыс институтын «электр инженері» мамандығы бойынша бітірген.
Еңбек жолын 1986 жылы «Запказэнерго» жүйесінде аппаратураны жөндеу жөніндегі электромонтер лауазымынан бастап, біліктілігін кезең-кезеңімен 3-разрядқа дейін арттырған.
1989–1996 жылдары Орал қаласының электр желілері кәсіпорындарында жұмыс істеп, қосалқы станциялар қызметінің электр слесарі және релелік қорғаныс пен автоматика қызметінің электромонтеры лауазымдарын атқарған.
1996–2002 жылдары «Уральскэнерго» АҚ-да инженер және техник, 2-санатты инженер болып қызмет атқарған.
2001–2005 жылдары «КИОС» АҚ-да бас энергетик лауазымын атқарды, кейін «Батыс Қазақстан Қуат Сервис» ЖШС-де жетекші инженер-электрик болып жұмыс істеді.
2005–2012 жылдары «Батыс Қазақстан Қуат Сервис» ЖШС-де жоба менеджері және метрологиялық зертхана басшысы лауазымдарын атқарған.
2012–2013 жылдары «GHSE Akbarys» ЖШС-де бас техник және сервистік орталық үйлестірушісі лауазымдарында жұмыс істеген.
2013 жылы «Қазақэнергоэкспертиза» АҚ-да мемлекеттік энергетикалық тізілім менеджері лауазымын атқарған.
2013 жылдан бастап энергетикалық қадағалау жүйесінде мемлекеттік қызметке ауысып, Алматы қаласы бойынша аумақтық департаменттің бөлім басшысы лауазымын атқарған.
2013–2022 жылдары - Қазақстан Республикасы Энергетика министрлігінің Атомдық және энергетикалық қадағалау мен бақылау комитетінің Батыс Қазақстан облысы бойынша аумақтық департаментінің басшысы.
2022–2024 жылдары - Қазақстан Республикасы Энергетика министрлігінің Атомдық және энергетикалық қадағалау мен бақылау комитетінің Ақтөбе облысы бойынша аумақтық департаментінің басшысы.
2024 жылдан бастап Қазақстан Республикасы Энергетика министрлігінің Мемлекеттік энергетикалық қадағалау және бақылау комитетінің Батыс Қазақстан облысы бойынша аумақтық департаментінің басшысы.
