Турарова Эльмира Мерхатқызы
Денсаулық сақтаудағы персоналды басқару және кадр ресурстарын мониторингілеу бөлімінің басшысы
Өмірбаян
Эльмира Мерхатқызы Турарова 1987 жылғы 28 желтоқсанда Семей қаласында дүниеге келген. 2009 жылы Абай атындағы Қазақ ұлттық педагогикалық университетін «Тарих» мамандығы бойынша тәмамдаған. 2011 жылы осы университетте «Тарих» мамандығы бойынша магистратураны аяқтаған. 2022 жылы «Alikhan Bokeikhan University» магистратурасын «Құқықтың өзекті мәселелері» мамандығы бойынша аяқтаған. Гуманитарлық ғылымдар магистрі және құқық магистрі дәрежесі бар.
Еңбек жолын 2011 жылы Семей мемлекеттік педагогикалық институтының Инновациялық педагогикалық білім беру орталығында жоғары біліктілік деңгейіндегі маман ретінде бастады.
2012–2018 жылдары «Семей» медициналық колледжінде гуманитарлық пәндер оқытушысы, гуманитарлық және жалпы білім беру пәндерінің пәндік-циклдік комиссия төрағасы, бөлім меңгерушісі қызметтерін атқарды.
2018–2022 жылдары Семей қаласының Мемлекеттік медицина университетінде және «Семей медицина университеті» КЕАҚ-да қабылдау комиссиясының методисі, түлектерді жұмысқа орналастыру және Medical Foundation бөлімінің бас маманы, бөлім бастығы болып жұмыс істеді. Сонымен қатар жалпы білім беру пәндері кафедрасында оқытушылық қызметті қатар алып жүрді.
2022 жылдың шілдесінен бастап Абай облысы денсаулық сақтау басқармасында персоналды басқару және денсаулық сақтаудағы кадрлық ресурстарды мониторингтеу бөлімінің бас маманы болып жұмыс істеді.
2024 жылдың 10 сәуірінен бастап Абай облысы денсаулық сақтау басқармасының персоналды басқару және денсаулық сақтаудағы кадрлық ресурстарды мониторингтеу бөлімінің басшысы болып табылады.
