Аяғанов Еркебұлан Бауыржанұлы
Депутат
Өмірбаян
Аяғанов Еркебұлан Бауыржанұлы 1989 жылдың 20 тамызында Қызылорда облысы, Арал қаласында дүниеге келген. 2006 жылы Сексеуіл кентіндегі №177 қазақ орта мектебін бітіріп, 2011 жылы И. Әбдікәрімов атындағы Қызылорда аграрлық техникалық колледжінде «техник-механик» мамандығы бойынша аяқтап, 2014 жылы Д.А.Қонаев атындағы Көлік және Құқық Гуманитарлық Университетін және 2016 жылдары Қазақ қатынас жолдары университетінде оқып, «Көлік, көлік техникасы және технологиялары» мамандығы бойынша бітіріп, техника ғылымдарының магистрі академиялық дәрежесіне ие болған.
Еңбек жолын 2006 жылы «Локомотив Сервис Орталығы» АҚ-ның «Қазалы локомотив сервис орталығы» филиалының Сексеуіл өндірістік телімінде жылжымалы құрамының жөндеушісі болып бастаған.
2011-2015 жылдары «Лококомотив Сервис Орталығы» АҚ-ның «Қазалы локомотив сервис орталығы» филиалының Шиелі өндірістік телімінде ТҚК-2 жөндеуші.
2015-2016 жылдары «Локомотив» АҚ Сексеуіл локомотив пайдалану депосының ауысым шебері.
2016-2017 жылдары «Локомотив» АҚ Сексеуіл локомотив пайдалану депосының аға шебері.
2017-2019 жылдары «ҚТЖ - Жүк тасымалы» АҚ «ГП - Қызылорда бөлімшесі» филиалының қозғалыс қауіпсіздігі қызметінің бас маманы қызметтерін атқарды.
2019 жылдан бастап осы кезге дейін «ҚТЖ - Жүк тасымалы» ЖШС «Батыс» филиалы Қызылорда қосалқы бөлімінің Сексеуіл локомотив пайдалану депосы бастығының өндіріс жөніндегі орынбасары қызметін атқарып келеді.
