Аспенбетова Раушан Найманханқызы
Облыс әкімі аппараты басшысының орынбасары
Өмірбаян
1965 жылы 1 желтоқсанда ШҚО Үлкен Нарын ауданы Көктерек ауылында туған. Ұлты – қазақ, білімі – жоғары.
1985 жылы - Өскемен құрылыс техникумын, 1993 жылы – Өскемен құрылыс-жол институтын, мамандығы – инженер-құрылысшы.
2010 жылы – Алматы экономика және статистика академиясын «Есеп және аудит» мамандығы бойынша бітірді.
Құрылыс-жол институтын бітіргеннен кейін құрылыс мекемесінде учаскі мастері, мөлшерлеуші, ПТО инженері болып жұмыс істеді. 1996 жылдың қаңтар айынан бастап мемлекеттік қызметте. Облыстық құрылыс басқармасының жетекші, бас маманы, бөлім бастығы болып қызмет атқарды. ШҚО бойынша сәулет-құрылысты бақылау және лицензиялау аумақтық басқармасы бастығының орынбасары.
Облыс әкімінің аппаратында 2007 жылдан бастап жұмыс істеп келеді. Атқарған лауазымдары: облыс әкімінің бірінші орынбасарының көмекшісі, ШҚО әкімінің бас инспекторы, және 2011 жылдың қазанында облыс әкімі аппаратының құжаттамалық қамтамасыз ету бөлімінің меңгерушісі болып тағайындалды.
Аспенбетова Раушан Найманханқызының мемлекеттік басқару органдары саласында бай тәжірибесі бар, мемлекеттік қызмет өтілі 27 жылдан астам, оның ішінде Шығыс Қазақстан облысы әкімінің аппаратында 16 жылдан астам, 2023 жылғы 9 қазаннан бастап меритократия қағидаты бойынша облыс әкімі аппараты басшысының орынбасары болып тағайындалды.
