31 тамыз – 4 қыркүйек аралығында Жетісу облысы Дін істері басқармасының мемлекеттік әлеуметтік тапсырысы аясында «Тәлімгер» жастар қоғамдық бірлестігі мен облыстық ақпараттық-түсіндіру тобының (АТТ) мүшелері түрлі мақсатты топтар арасында ақпараттық-түсіндіру жұмыстарын жүргізді.
Іс-шаралардың негізгі мақсаты – Қазақстандағы зайырлылық қағидаттары мен діни саладағы заңнама талаптарын түсіндіру, ислам дінін жамылған деструктивті діни ағымдардың белгілері мен олардың қоғамға төндіретін қауіп-қатері туралы ақпарат беру, сондай-ақ азаматтардың діни сауаттылығын арттыру.
Кездесулер барысында қатысушыларға діни экстремизм мен терроризмнің алдын алу, деструктивті идеологиялардың ықпалына түспеудің жолдары, діни ақпаратты дұрыс әрі сенімді дереккөздерден алу мәселелері түсіндірілді.
Сонымен қатар, мамандар азаматтардың көкейіндегі сауалдарға жауап беріп, діни мәселелер бойынша құқықтық және ақпараттық кеңестер берді.
Осындай ақпараттық-түсіндіру жұмыстарының басты міндеті – қоғамда діни тұрақтылықты сақтау, азаматтардың діни сауаттылығын арттыру және қауіпсіз қоғамдық ортаны қалыптастыру.
