Мерекелік шараның негізгі мақсаты – мемлекеттік тілдің мәртебесін арттыру, тіл мәдениетін насихаттау, дамыту және қоғамдағы тілдерге деген құрметті қалыптастыру.
Фестиваль аясында қатысушылар үшін түрлі танымдық, мәдени және интеллектуалдық-шығармашылық , спорттық іс-шаралар ұйымдастырылды. Қатысушылар әр ұлт тілдерінде өнер көрсетіп, тілге қатысты сайыстарға , ұлттық ойындарға белсене қатысты. Сонымен қатар ұлттық мәдениет пен салт-дәстүрді дәріптейтін шығармашылық қойылымдар ұсынылды.
Іс-шараға мемлекеттік мекемелердің өкілдері, білім беру ұйымдарының қызметкерлері, жастар және аудан тұрғындары қатысып, мерекелік шараның мазмұнын арттыра түсті.
Тіл – халықтың рухани мұрасы мен ұлттық болмысының негізі. Әр тілді құрметтеу – әр мәдениетке құрмет көрсетудің белгісі. Ал мемлекеттік тілді дамыту – баршаға ортақ міндет.
«Тіл FEST» фестивалі – тілдерге құрмет, мәдениеттерге сабақтастық және ел бірлігін нығайтуға бағытталған маңызды мәдени бастама.
